Presidentja bëri thirrje nga Milano që “politika të qëndrojë larg sportit”

Pjesëmarrësit bullgarë në Olimpiadën Dimërore janë profesionistë të mëdhenj, të cilët punojnë shumë me veten dhe duhet të jenë krenarë për arritjet e tyre. Me këto fjalë presidentja Ilijana Jotova iu drejtua sportistëve bullgarë që do të marrin pjesë në Lojërat Olimpike Dimërore XXV në Milano dhe Cortina.

Së bashku me presidenten e Komitetit Olimpik Bullgar, Vesella Leçeva, kreu i shtetit ishte e ftuar në pritjen zyrtare të organizuar nga Komiteti Olimpik Ndërkombëtar për krerët e shteteve dhe drejtuesit e komiteteve olimpike kombëtare.

“Le të qëndrojë politika larg sportit, sepse sportistët nuk e meritojnë këtë, duke pasur parasysh punën e tyre të jashtëzakonshme, tensionin dhe ëndrrat e mëdha për medalje. Le të çlirohemi nga pasionet politike”, theksoi Ilijana Jotova.

Redaktoi: Ivo Ivanov

Përgatiti në shqip: Svetllana Dimitrova