Ngjallja e Llazarit dhe E diela e Dafinave, megjithëqë kanë të bëjë me fenë e krishtere, dy festat bazohen në folklor. Këto lavdërojnë ringjalljen e natyrës dhe gjallërinë e rinisë.
E diela e parë para Pashkëve quhet e Diela e Dafinave. Në këtë ditë vajzat e reja grumbullohen pranë lumit. Secila prej tyre mban në dorë bukë të pjekur në formë të kukullës. Sipas traditës vajzat e presin bukën dhe hedhin nga një copë në lumë. Besohet se vajza, buka e së cilës shkon përpara, do të martohet së shpejti. Sipas besimeve popullore ajo vajzë e cila ka marrë pjesë në ceremonitë kushtuar Ditës së Llazarit dhe së Dielës së Dafinave, nuk është rrezikuar të rrëmbehet nga kuçedra. Karakteristike për të Dielën e Dafinave është që vajzat mbajnë në kokë kurora lulesh, vishen me kostume popullore dhe zbukurohen me gjerdanë, vathë, unaza dhe byzylykë.
Bullgarët e quajnë të Dielën e Dafinave – të Dielën e Shelgut. Ky është emërtimi popullor i festës. Krishterët përdorin degët e shelgut në vend të degëve të dafinës. Me këto të fundit Jezu Krishti u prit në Jerusalem javës para se të vihej në kryq. Sot bullgarët vendosin gjethe shelgu në hyrjen e shtëpisë dhe para ikonave, klerikët po ashtu i shpërndajnë në kishë për shëndet dhe mirëqenie.
Përgatiti në shqip: Anna Kapitanova
