Ndoshta secili prej nesh ka ëndërruar të jetojë në një botë në të cilën gjithçka përreth të jetë punuar prej sheqeri, çokolate ose biskote. Ka një njeri të tillë, për të cilin kjo ëndërr është një realitet. Kjo është Allbena Petrova, e cila prej vitesh jeton në Kanada. Mbaroi Gjimnazin e Arteve të Aplikueshme specialitetin qeramikë dhe qelq. Gatimi është një nga pasionet e saj. Prandaj kur mbërriti në Kanada, vendosi të regjistrohet në një program të punimit të ëmbëlsirave në Shkollën e Arteve të Kulinarisë në Monreal. Pikërisht aty ajo zbuloi sekretet dhe magjinë e dekorimit të ëmbëlsirave të ndryshme. Allbena Petrova ka marrë pjesë në një sërë konkursesh nga të cilët ka fituar shumë çmime.
Për këtë njohje të talentit të saj vet ajo shpjegon:
“Gjatë muajit mars më ftuan të marrë pjesë në projektin “Nuse në botë”. Në të u prezantuan 31 dekorues të tortave nga kënde të ndryshme të botës. Çdo pjesëmarrës duhej të krijojë një tortë të frymëzuar nga veshja dasmore e ndonjë nuseje të anëve të ndryshme të botës. Pata lirinë e plotë të vendos çfarë të preferoj – stilin modern ose atë të së kaluarës. Për mua kjo ishte një mundësi ideale të bëj një tortë të frymëzuar nga qëndismat bullgare.”
Mirëpo, pse Allbena Petrova e zgjodhi pikërisht qëndismat bullgare për dekorimin e tortës?
“M’u duk mirë të shfrytëzoj elemente të qëndismave të veshjes kombëtare, sepse ato janë shumë të bukura, tepër laramane dhe të larmishme, lënë mbresë me ojnat e ndërlikuara. Kjo përbën një sfidë, që ato të rikrijohen prej sheqeri. Krahas kësaj vet unë linda dhe rrita në Bullgari dhe për mua ishte një kënaqësi për të bërë diçka, me të cilën të prezantoj të paktën një pjese të bukurisë së krijimtarisë popullore bullgare.”
Joshja dhe punimi i vështirë i qëndismave gjithnjë e ka tërhequr autoren të bëjë provë të rikrijojë edhe prej sheqeri. Në karrierën e deritanishme Allbena Petrova ka bërë qindra torta. Por edhe më sot kujton:
“Sfida më e madhe për mua ishte torta e parë me disa kate, me të cilën fitova çmimin e parë në garën për torta martese në Monreall. Torta ia kushtova dasmës indiane dhe ishte tepër e vështirë për punim. Ajo ishte e frymëzuar jo vetëm nga veshja tradicionale e indianeve – sari, por edhe nga arkitektura e Taxh Mahallit – simbolit të dashurisë së madhe. Mbaj mend, se nuk fjeta dy net, që të përfundoj dy nga katet e kësaj torte.”
Çdo tortë është punuar me shumë vëmendje, kujdes dhe dashuri ndaj çdo detaji. Disa prej veprave të ëmbla të punuara nga Allbena Petrova mund të shikoni në sajtin e krijuar prej saj.
Përgatiti në shqip: Svetllana Dimitrova
Fotografi: arkiv personal
