Mediat publike mbajnë përgjegjësi para qytetarëve për vendosjen e standardeve profesionale në gazetari dhe për trajtimin e temave me rëndësi sociale në një botë, ku vëzhgohet përqendrim gjithnjë e më i madh i mediave dhe financave. Kjo ishte pozita e përbashkët e Presidentit bullgar Rumen Radev dhe i Drejtorit të Përgjithshëm të Bashkimit Evropian të Radio-Televizioneve Noel Curran, të cilët u takuan sot në Presidencë. Në takim morën pjesë gjithashtu Drejtori i Përgjithshëm i Radios Kombëtare Bullgare Aleksandër Velev dhe Drejtori i Përgjithshëm i Televizionit Kombëtar Bullgar Konstantin Kamenarov. Presidenti Radev theksoi domosdoshmërinë për përmirësimin e legjislacionit të mediave në Bullgari për rritjen e transparencës së mediave dhe financimit të tyre.
