Në emër të qeverisë së ShBA-së përshëndes popullin bullgar me Festën Kombëtare – 3 marsin. Këtë e thekson sekretari i shtetit i ShBA-së Majk Pompeo në një deklaratë botuar në sajtin e dikasterit. “3 marsi shënon krijimin e Bullgarisë së pavarur dhe moderne. Pak më vonë gjatë muajit do të shënojmë 15 vjet nga vendimi sovran i Bullgarisë të aderohet në NATO. Pasi Bullgaria hoqi regjimin komunist para 30 vitesh, të dy vendet tona u bënë aleate të fuqishme dhe partnere”, theksohet në deklaratën e sekretarit Pompeo. Sekretari i shtetit i ShBA-së uron gjithashtu që miqësia dhe partneriteti midis dy vendeve të konsolidohet gjatë viteve të ardhshme.
