Komisioni Atletik i shtetit të Kalifornisë ndëshkoi boksierin Kubrat Pulev. Komisioni shpalli vendimin e vet pas skandalit me reporteren amerikane të puthur nga Pulevi Jennifer Ravalo, e njohur si Jenny SuShe, pas ndeshjes së bullgarit kundër rumunit Bogdan Dinu në Kaliforni gjatë muajit mars të këtij viti. Komisioni ndërpreu licencën e Pulevit në Amerikën Veriore deri në 23 shtator – 6 muaj pas datës së puthjes. Deri atëherë boksieri duhet të përfundojë një kurs për abuzimet seksuale. Përveç kësaj boksieri bullgar duhet të paguajë 2500 dollarë amerikanë. Më 22 korrik Pulev duhet të paraqitet përsëri para Komisionit dhe të prezantojë prova se e ka mbaruar kursin. Që atëherë ai mund të aplikojë për rimëkëmbjen e të drejtave të tij.
