Eмисия новини
от 14.00 часа
Българско национално радио © 2022 Всички права са запазени

Një monument i ri i Kapedanit Petko Vojvoda ruan të gjallë kujtimin për veprën e tij

Снимка: BTA

Në “Kopshtin e Borisit” në Sofje u inaugurua një monument i Kapedanit Petko Vojvoda me rastin e përvjetorit të 175 të lindjes së revolucionarit të njohur bullgar, i cili ka mbrojtur me çetat e tij Trakinë Perëndimore dhe Rodopet nga robëruesit osmanë. Bashkë me një repart prej 3000 bullgarësh Vojvoda ka marrë pjesë edhe në Luftën Ruso-Turke gjatë vitit 1878, ndërsa pas Çlirimit ka marrë një urdhër trimërie nga Perandori rus Aleksandër II. “Gjatë historisë sonë 13 shekullore ka shumë shembuj të dinjitetit tonë kombëtar, por Kapedani Petko Vijvoda është një prej shembujve më të denjë, i cili ka mposhtur zemrat tona me guximin, ndershmërinë dhe devotshmërinë e tij. Synimi i tij për liri dhe dinjitet njerëzor dilte jashtë kufijve kombëtar... Edhe në kohën e robërisë, edhe në ditët e Bullgarisë së Lirë ai ishte i patundshëm në mbrojtjen e të mjeruarve dhe të të shtypurve”, vuri në dukje në fjalimin e vet në ceremoninë e inaugurimit të monumentit Presidenti Rumen Radev. Një fakt kureshtar është se monumente të heroit të famshëm bullgar ka jo vetëm tek ne, por dhe jashtë shtetit. Kodra e Garibaldit në Romë, kryeqyteti i Ukrainës Kiev, fshati i tij i lindjes DoganHisar (sot Esimi)në Greqi, si dhe pikëkalimi në kufirin bullgaro-grek me emrin e tij – këto janë vetëm disa prej vendeve, ku qytetarët mund të përulen para veprës së Kapedanit Petko Vojvoda.

Новините на БНР - вече и в Instagram. Акцентите от деня са в нашата Фейсбук страница. За да проследявате всичко най-важно, присъединете се към групите за новини – БНР Новини, БНР Култура, БНР Спорт, БНР Здраве, БНР Бизнес и финанси.