Presidenti Rumen Radev i bëri thirrje Ambasadorit të Ukrainës në Sofje Vitalij Moskalenko për dialog më aktiv ndërmjet Bullgarisë dhe Ukrainës për rifillimin e seancave të Komisionit Ndërqeveritar për Bashkëpunim Ekonomik.
Bullgaria pret se do të ruhet tërësia administrative dhe funksionale e rajonit të qytetit Bollgrad pas zhvillimit të reformës administrative dhe territoriale. Në të jetojnë ukrainas me prejardhje bullgare dhe tërësia administrative e rajonit është në interes të tyre.
Moskalenko ka deklaruar se tërësia e rajonit të Bollgradit nuk do të preket dhe ai do të mbetet i tillë siç ka qenë deri tani.
Në takim është nënvizuar interesi në rritje i shtetasve ukrainas për mundësitë për punë dhe turizëm në Bullgari. Sipas statistikës gjatë vitit 2019 470 mijë ukrainas kanë vizituar vendin tonë.
