Fyelltari i njohur bullgar Nedjallko Nedjallkov mori pjesë në programin koncertal, që u paraqit afër qytetit francez Kale – në kampin më të madh të refugjatëve në Evropë. Ideja është e Zhordi Saval – dirigjent dhe kompozitor francez, i cili i bie violinës dhe violës së vjetër, i njohur në mbarë botën për interesin e tij ndaj muzikës së Mesjetës, Rilindjes dhe Barokut, mbajtës i çmimit “Grami” për një prej projekteve të tij në këtë fushë. Është udhëheqës i orkestrës multikombëtare, në të cilën merr pjesë edhe bashkatdhetari ynë. Përveç tij atje ka ekzekutues nga Greqia, Izraeli, Siria etj. Repertori i tyre përfshin muzikë tradicionale nga Bullgaria, Spanja, Maroku, Turqia, Siria, Libani.
Update Required
To play the media you will need to either update your browser to a recent version or update your Flash plugin.
Disa ditë para se ta vizitojnë kampin “Xhungla e Kalesë”, muzikantët u takuan për një prej koncerteve të tyre të zakonshme në Evropë – këtë herë në qytetin belgjian Brjuzh. Në Kale ata e kanë paraqitur programin e tyre dy herë – në kampin e refugjatëve dhe në sallën koncertale në qytet. Në “Xhunglën e Kalesë” banojnë nga 3500 deri në 5000 refugjatë, që kanë mbërritur nga vende të ndryshme – na tregon Ndejallko. Së pari shëtitëm në kamp, i cili është ndarë në disa sektorë. U njohëm me disa njerëz, biseduam. Pas kësaj interpretuam disa melodi atje ku njerëzit ushqehen. Sigurisht që muzika krijon një atmosferë krejt të ndryshme, por unë nuk pushoj së menduari për këta njerëz. Është shumë e trishtuar. Çdo një prej solistëve interpretoi pjesë muzikore të kulturës kombëtare, që prezanton. Nedjallko ekzekutoi dy kompozime të veta mbi bazën folklorike, të cilat ende nuk i ke incizuar.
