Dy ekspozita fotografike do t’i paraprijnë premierës në Sofje të filmit “Unë jam këtu përsëri” për alpinistin e madh bullgar Bojan Petrov. Ekspozitat do të përfshijnë pamje të përzgjedhura filmike dhe fotografi nga arkivi personal i Bojan Petrov, raporton sajti Impresio.
Filmi “Unë jam këtu përsëri” ndjek përpjekjen e Bojan Petrov për t’u ngjitur në majën 8000 metra Shisha Pangma, e cila doli të ishte e fundit në karrierën e alpinistit. Pikërisht aty ai u zhduk dhe pavarësisht operacionit të madh të shpëtimit, nuk u gjet.
Premiera bullgare e filmit do të jetë më 29 nëntor në kuadër të veprimtarive “Kinomania” dhe “Ditët e sfidave”. Nga 3 dhjetori, filmi del në kinematë në të gjithë vendin.
