Çmimi i biletës për teleferikun në një nga pushimoret më të njohura bullgare - Bansko, do të rritet me 10-15 për qind, tha për Radio Bllagoevgrad drejtori i zonës së skive Ivan Obrejkov. Shtrenjtimi imponohet për shkak të çmimeve më të larta të energjisë elektrike dhe karburanteve. Nuk kërkohet një certifikatë e gjelbër për hyrjen në gondolë, por mbajtja e maskave në ambientet e mbyllura në zonën e skive dhe ruajtja e distancës prej 1.5 m mbeten të detyrueshme.
Sezoni dimëror në Bansko do të hapet më 18 dhjetor. “Pritjet janë që objektet e borës artificiale të funksionojnë më herët, por tani për tani moti është ende i ngrohtë”, shtoi Obrejkov.
