Propozimet e Rusisë për garancitë e sigurisë përfshijnë tërheqjen e forcave të NATO-s nga Bullgaria dhe Rumania, njoftoi Ministria e Jashtme ruse, cituar nga “RIA Novosti”.
“Një nga shtyllat e nismave tona është formuluar qëllimisht shumë qartë dhe nuk lejon interpretime të paqarta. Ato përfshijnë tërheqjen e forcave, pajisjeve dhe armatimeve të huaja, si dhe hapa të tjerë për t’u kthyer në konfigurimin e vitit 1997 në territorin e vendeve që nuk ishin anëtarë të NATO-s në atë kohë. Këtu përfshihen edhe Bullgaria edhe Rumania”, deklaroi Ministria e Jashtme ruse në një përgjigje me shkrim të një pyetjeje të Radios Kombëtare Bullgare gjatë konferencës vjetore për shtyp të dhënë nga Ministri i Jashtëm Sergej Llavrov.
Lidhur me kërkesën e Moskës që NATO të tërhiqet nga Bullgaria dhe Rumania partia GERB kërkoi një dëgjim të jashtëzakonshëm në parlament të kryeministrit, ministrit të jashtëm dhe ministrit të mbrojtjes.
