Ungjillëzimi i Hyjlindëses

botuar më 10-03-25 9.51.PD

Foto: www.pravoslavieto.com

Kisha Ortodokse Bullgare çdo vit më 25 mars kremton Ungjillëzimin e Hyjlindëses. Kjo është një nga festat më të mëdha të fesë së krishtere ortodokse. Ajo lidhet me lajmin e gëzueshëm dhe të këndshëm nga lindja e Birit të Zotit. Ky është momenti, në të cilin Kryeengjëlli Gavraill e lajmëroi Shën Mërinë se do të lindë birin e Zotit dhe do të bëhet nënë.

Më shumë hollësi për këtë festë sjell prifti Vasill Kocev nga kisha “Shën Gjergji” në Sofje: “Në Ungjill tregohet legjenda, se engjëlli i Zotit e përgëzoi Shën Mërisë me fjalët e këndshme: “Gëzohu e bekuara, Zoti është me ty!” Kështu ai e lajmëroi, se është e zgjedhur të bëhet nënë e Shpëtuesit, Zoti Jisu Krisht. Hyjlindësja u gëzua shumë dhe e frymëzuar nga lajmi i këndshëm tërë ditën këndonte himne lavdëruese për Zotin. Me zemrën e mbushur me hare ajo drejtonte falënderime, se do të bëhet nënë e të gjithëve, që presin nga biri i saj shpëtimin e botës. E deri më sot respekti ndaj Shën Mërisë është tepër i fortë në të gjitha skajet e planetit. Kudo nëna e Zotit lavdërohet si mbrojtëse e fisit njerëzor.”

Pyetjes, në ç’shkallë mund të konsiderojmë këtë ditë festë të nënës, prifti Vasill Kocev iu përgjigj: “Jetojmë në një shoqëri, në të cilën brenda viteve vlerat e fesë së krishtere, sikur u harruan. Vite me radhë feja e krishtere ishte pothuajse e ndaluar. Tani, në kohën e demokracisë, kremtet e krishtere dalë-ngadalë rivendosen. Do të vijë kohë, kur të gjithë me zemra të hapura dhe me bindje të thellë do të pranojnë dhe do të respektojnë festat e krishtere. Sipas traditës popullore dhe fesë së krishtere, Ungjillëzimi i Hyjlindëses konsiderohet festë e gruas dhe e nënës.”

Përgatiti në shqip: Svetllana Dimitrova

По публикацията работи: Svetlla Ivanova

Последвайте ни и в Google News Showcase, за да научите най-важното от деня!

Ndaje

Ungjillëzimi i Hyjlindëses

Më shumë nga rubrika

Enë të gdhendura në mënyrë të shkëlqyer dhe statuja të punuara me imtësi - Tuma Kozareva zbulon sekretet e saj

Ljuben Karavellovi dhe lufta e popullit shqiptar për pavarësi

Një nip i perandorit Oktavian Avgust është rikrijuar ndoshta në statujën e parë nga Heraklea Sintika

Enë të gdhendura në mënyrë të shkëlqyer dhe statuja të punuara me imtësi - Tuma Kozareva zbulon sekretet e saj