Viti i kaluar do të mbetet në biografinë e Antonina Bonevës me disa shfaqje emocionuese. Ndër to ishte mundësia të interpretojë në skenën e Teatro Olimpico në Itali. Le të saktësojmë se ky është koncerti i parë i një pianisti bullgar në sallën legjendare.
“Më ftoi Marko Teca, pianist dhe dirigjent – tregoi Antonina Boneva. Ai është i njohur në Bullgari. Disa herë ka dhënë koncerte në Bullgari si solist dhe bashkë me orkestrën e dhomës “Stravinski” të udhëhequr nga ai. Koncerti që dhamë në qytetin Viçenca ishte me rast të hapjes së stinës së 35-të. Interpretuam në Teatro Olimpico që është ndërtuar nga Andrea Maladio – një nga arkitektët më të njohur në tërë botën. Ndërtesa është përfshirë në trashëgiminë kulturore të UNESCO-s. Në këtë sallë kanë interpretuar Juehudi Menuhin, Msislav Rostropoviç, Daniel Barenbojm. Ndër shfaqjet e tjera që kisha gjatë vitit 2010 mund të përmend programin e dhomës që paraqitëm në Paris bashkë me mexosopranon Olga Gjurkovska. Si edhe koncertin në Konkursin ndërkombëtar në Varnë, të kushtuar Shopenit. Sipas traditës anëtarët e jurisë japin koncert para se të fillojë gara. Në publik janë kandidatët e rinj për çmimet, pedagogët e tyre, kolegët e tjera nga juria. Pra, është një përgjegjësi e madhe të japësh koncert para një auditori të tillë. Isha shumë e lumtur kur pas koncertit mora përshëndetje nga disa pianistë dhe pedagogë të mëdhenj.”
Kështu do të mbajë mend vitin 2010 pianistja Antonina Boneva. Le të shtojmë dhe recensionet në shtypin italian për shfaqjen në Teatro Olimpico. “Me një mjeshtëri teknike absolute, Boneva fitoi ovacionet e nxehta të publikut”, shkroi “Il Giornale di Vicenza”.
Antonina Boneva prej vitesh bashkon koncertet dhe veprimtarinë pedagogjike. Ajo studioi piano në Akademinë Muzikore Kombëtare në klasën e prof. Nikolaj Evrovit. Specializoi në Akademinë Muzikore Mbretërore në Antverpen te prof. Frederik Gevers. Ka dhënë koncerte në Belgjikë, Itali, Francë, Britani të Madhe, Austri dhe shumë vende të tjera.
Antonina Boneva ishte deputete në Kuvendin Popullor, kurse para kësaj – drejtore e Qendrës kombëtare të muzikës dhe valleve pranë Ministrisë së Kulturës. Gjatë kohës, kur ishte në politikë, ajo kufizoi veprimtarinë e saj pedagogjike. Tani përsëri ka dëshirë ta vërë në vendin e parë punën me nxënësit e saj.
Po të doni të dëgjoni interpretime të pianistes Antonina Boneva klikoni AUDIO.
Përgatiti në shqip: Ekaterina Tarpomanova
Një nga këngët më të bukura të përjetshme të Bullgarisë është "Perëndo, perëndo, o diell i ndritshëm". Besohet se ekziston si një melodi për të paktën pesë shekuj. Në vendin tonë kënga ka popullaritet me një tekst që mund të gjendet në përmbledhjen e..
Plovdiv Jazz Fest feston këtë vit ditëlindjen e tij të dhjetë me një program, verën dhe vjeshtën, ku marrin pjesë disa nga emrat më të mëdhenj të botës së xhazit. Edicioni i vjeshtës do të mbahet në qytetin e dytë më të madh në Bullgari - Plovdiv,..
Një nga violinistët më të mirë në botë dhe koncertmaster i Orkestrës Mbretërore Concertgebouw në Amsterdam, Vesko Eschkenazy është kthyer në atdhe, në vendlindjen e tij, Sofje. Rasti janë dy koncertet përmbyllëse të Turneut Kombëtar të projektit "Në..
Duke fituar popullaritet të konsiderueshëm si pjesë e dyshes Pavell & Venci Venc' , Pavell Nikollov mori rrugën e tij të pavarur në muzikë. Ditë..
Jeta e Virxhinija Sëbeva-GINI është muzika. Si fëmijë ajo ka kënduar në një kor, ka ndjekur një shkollë muzikore, ka marrë pjesë në formatin muzikor “X..
Vranësira të dendura
Vranësira