Gjatë këtij viti Muzeu historik në qytetin Pazarxhik shënoi 100 vjetorin e themelimit. Mes aktiviteteve në lidhje me festën ishte dhe hapja e ekspozitës në mesin e muajit me titull “Glagolica dhe rune të lashta bullgare” të piktorit Pavlin Petrov. Bashkorganizator i shfaqjes është Asociacioni për zhvillimin e arteve dhe të zanateve – 7. “Qëllimi i ekspozitës është të zgjojë interesin e publikut ndaj historisë bullgare, të mund të krenohemi me fisin tonë dhe me përkatësinë tonë – thotë Pavlin Petrov. Bullgari ka nevojë nga kjo të mund të ngrihet fryma e tij dhe mendoj se, me ekspozita të tilla me rizbulimin dhe njohjen e historisë bullgare, do të ndihemi më krenar dhe të denjë të qëndrojmë me vetëdije mes të gjithë popujve evropianë.”
Ekspozita “Gllagolica dhe rune të lashta bullgare” ka shoqëruar dhe një pjesë nga aktivitetet e Asociacionit për zhvillimin e arteve dhe zanateve – 7, bashkëkryetar i të cilit është Pavlin Petrov: “Ruajtja dhe popullarizimi i zanateve bullgare, traditat, jeta dhe historia, afrimi i fëmijëve dhe të të rinjve ndaj vlerave të vërteta bullgare dhe afirmimi i krenarisë kombëtare dhe vetëdija janë mes qëllimeve bazë të asociacionit, tregon Pavlin Petrovi. – Një pjesë e madhe nga bullgarët nuk dinë shumë për glagolicën (alfabeti i parë sllav), për këtë se cilat kanë qenë simbolet emblematike të popullit bullgar, përpara se ai të ketë bile dhe alfabet. Unë jam nga njerëzit, të cilët mbajnë mend më shumë nga ana vizuale dhe vendosa se kjo është një mënyrë interesante t’i paraqitet auditorit një pjesë nga historia bullgare – përmes pikturave, të shoqëruara me informatë, dhe me të vërtetë u formua një ekspozitë shumë interesante, e cila është kureshtare si për të moshuarit , ashtu dhe për fëmijët, për nxënësit. Pikturat përbëjnë germa nga glagolica, si dhe rune të lashta bullgare (një shkrim i bullgarëve të vjetër) dhe konfiguracione të ndryshme me ta. Por po kështu dhe monograme të kanëve bullgarë si Kubrat dhe Asparuh të cilët kanë drejtuar gjatë shekullit të VII-të. Këto monograme në kohë janë shfrytëzuar në mënyrë të tillë, si dhe tani, të themi se shfrytëzohen shenjat e firmave. Materialet, më të cilët punoj janë dru, qeramikë, lëkurë, tekstil... Pikturoj krejtësisht mbi beze.”
Kureshtja dhe dëshira të ngrejë perden e historisë, të afrohet deri tek e kaluara e lavdishme e bullgarëve dhe të na japë një pjesë prej tij, e shoqërojnë Pavlinin gjatë krijimit të çdo një nga krijimit, të bashkuar në ekspozitën “Gllagolica dhe rune të lashta bullgare”. “Deri në një shkallë të madhe, mungon informacioni, ose është i pjesshëm – thotë Pavlin Petrovi. Por prapë së prapi bëhet fjalë për më shumë se mijëvjeçar mbrapa në kohë. Disponoja me materiale të veçanta nga Muzeu historik kombëtar dhe prej disa muzeve regjionale. Më kanë drejtuar shumë pyetje akademike, sepse njerëzit kanë kuriozitet ndaj temës. Doli se, janë shumë pak njerëzit, të cilët mundin të deshifrojnë runat ose të zbulojnë simbolikën e glagolicës. Po vazhdoj kërkimin, pavarësisht nga vështirësitë.”
Përgatiti në shqip: Nataniela Vasileva
Fotografitë janë nga arkivi personal i Pavlin Petrovit
Vetëmohimi, ndershmëria, trimëria dhe besimi në të drejtën e lirisë kombëtare dhe në një jetë të denjë. E gjithë kjo personifikon një nga heronjtë më të dashur kombëtar bullgar - Vasill Levski . Më 18 korrik të këtij viti Bullgaria shënon 187 vjet..
Bullgaria vazhdon të jetë i vetmi vend europian që nuk ka memorial për viktimat e regjimeve totalitare. Ky fakt i turpshëm, që shënoi statusin modern të shoqërisë sonë si një ulçerë e pashëruar prej kohësh, u kujtua edhe këtë vit më 1 qershor, kur qindra..
Universiteti i Sofjes "Shën Kliment Ohridski" do të mirëpresë mbi 300 dijetarë nga e gjithë bota në konferencën tradicionale ndërkombëtare të Shoqatës Evropiane për Studime Biblike. Forumi do të mbahet nga 15 deri më 18 korrik në Rektoratin e..