Albumet folklorike të vitit 2011

botuar më 11-12-30 9.59.PD

Foto: BGNES

AUDIO

Update Required To play the media you will need to either update your browser to a recent version or update your Flash plugin.

Në fillim të vitit 2011 Shtëpia muzikore “Gega Nju” përhapi në tregun muzikor albumin “Mos shpejto, o Gjumë!”, në të cilin janë grumbulluar vepra të Stefan Kënevit për grupe dhe solistë popullorë. Stefan Kënev ka krijuar mbi 5000 vepra autori, të bazuara mbi folklorin tonë. Meloditë dhe ritmet, të cilat kanë tërhequr vëmendjen e tij janë nga krahina të ndryshme të Bullgarisë. “Mos shpejto, o Gjumë!” – kështu titullohet dhe përmbledhja e Stefan Kënevit me vepra për kor dhe orkestër folklorike. Përpiluesit janë Katja dhe Tasho Barullovi – pedagogë në Shkollën kombëtare për arte folklorike në qytetin Kotell. Në një koncert, i cili u mbajt në fillim të vitit, u paraqitën edhe albumi, edhe përmbledhja. Në të morën pjesë “Misteri i Zërave bullgarë”, solistët Kalinka Zgurova, Janka Rupkina, Kalinka Vëllçeva, Daniell Spasov dhe shumë interpretues të tjerë të njohur. Disku dhe përmbledhja i janë kushtuar përvjetorit të 80 të Stefan Kënevit.

“Po hidhet një valle afër manastirit” – kështu titullohet albumi i parë i duetit Ljubka Rondova dhe Ilia Llukov. Dy këngëtarët e njohur popullorë paraqitën këngët e tij në kryeqytetin tonë detar Varna gjatë Festave të Pashkëve. Atje u zhvillua dhe aktiviteti tradicional “Vallja më e gjatë”. Fillimi i kësaj iniciative u vu në vitin 2005. Që nga atëherë vargje të gjata valltarësh gjallërojnë sheshet e mëdha në qytete të ndryshme bullgare dhe të huaja.

Gjatë vitit 2011 shënuam 90 vjet nga lindja e Kosta Kolevit. Ndër aktivitetet, të cilat na rikujtuan për rëndësinë e veprës së tij, ishte dhe koncerti i Orkestrës për muzikë popullore pranë Radios Kombëtare Bullgare, në të cilin u paraqitën vepra të kompozitorit. Më shumë hollësi për veprimtarinë e tij na tregoi e shoqja: “Ai vuri fillimin e muzikës orkestrale në fushën e folklorit. Kosta Kolevi është i pari, i cili krijoi partiturë për orkestër popullore. Ai ka qenë mësues i të gjithëve në këtë gjini. Tri dekada Kosta ishte dirigjent i Orkestrës për muzikë popullore pranë Radios Kombëtare Bullgare, kurse pas kësaj vazhdoi të punojë për të akoma 25 vjet. Ai më ka thënë se më e rëndësishmja është që të ruhet stili folklorik.” Në koncertin, me të cilin media jonë shënoi përvjetorin e Kosta Kolevit, u përfshinë disa prej veprave të tij më të njohura për solistë dhe orkestër.

Gjatë vitit 2011 doli në treg libri autobiografik i këngëtares popullore Verka Siderova, kurse albumi i saj me këngë solo u përhap me një tirazh të ri: “Mora të gjitha çmimet, që mund të merren në Bullgari – na tregon këngëtarja e dashur. – Ndihem e pasur, por jo kaq për çmimet, sa për dashurinë e madhe të publikut. Desha t’ua urojë të gjithëve shëndetin dhe jetëgjatësinë time. Gjatë prillit do të mbushë 86 vjeç. U uroj dëgjuesve të Radio Bullgarisë festa të bukura dhe fëmijë të buzëqeshur.”

Po të doni të dëgjoni interpretime të këngëtarëve të lartpërmendur, klikoni mbi ikonën AUDIO! Ju urojmë minuta të këndshme!

Përgatiti në shqip: Vesella Mançeva

По публикацията работи: Allbena Bezovska

Последвайте ни и в Google News Showcase, за да научите най-важното от деня!

Ndaje

Albumet folklorike të vitit 2011

Më shumë nga rubrika

Vera e xhazit në Plovdiv vazhdon

Interpretues nga 18 vende në skenën e "Bansko Jazz Festival"

Festivali i nëntë "Opera në maja" në Bellogradçik do të nderojë Giacomo Puccini

"Ore"