Sukseset e koreve bullgare gjatë vitit 2012

botuar më 12-12-20 12.08.MD

Formacioni “Te Deum Adoramus”

Foto: arkiv personal

AUDIO

Update Required To play the media you will need to either update your browser to a recent version or update your Flash plugin.

Në fund të muajit tetor, në vendpushimin e vogël italian Riva Del Guarda u zhvillua edicioni i gjashtë i Festivalit ndërkombëtar të koreve dhe orkestrave. Bullgaria u paraqit nga Kori i dhomës “Polifonia” dhe nga një kor nga qyteti Trjavna. Çdo një formacion dha një koncert me vete. Më shumë hollësi na solli dirigjentja e korit “Polifonia” – Ljudmilla Gerova.

Kori “Polifonia”

“Ky ishte një vend parajse. Salla e koncertit na bëri përshtypje me akustikën e saj të shkëlqyeshme. Ndiheshim shumë mirë. Salla ishte plot e përplot njerëz, të cilët na duartrokitën. Dhamë një koncert të paharrueshëm. Në fakt ky ishte takimi ynë i dytë me drejtorin e festivalit Petër Laskovski. Takimi ynë i parë ishte në festivalin në Kroaci gjatë 2011-ës, organizuar nga kompania e njëjtë.”

Kori “Lira e artë”

Kori i femrave “Lira e artë” nga qyteti i Tërgovishtes mori çmimin e tretë në Konkursin prestigjioz ndërkombëtar të koreve në Antalie të Turqisë. Edicioni i katërt i forumit u zhvillua nga 11 deri më 15 prill të vitit 2012. Pas hapjes së tij, kori bullgar mori ftesë për pjesëmarrje në një program televiziv turk. Kori mahniti publikun turk me interpretimet e tij të këngës bullgare “Është ulur Xhore” dhe të këngës turke “Zili de masha”.

Kori i përzier “Uniteti Sllav”

Nga Konkursi i katërt ndërkombëtar i koreve Antalie 2012 u kthye me tri çmime kori i përzier “Uniteti Sllav” (Sllavjansko Edinstvo”) nga Gorna Orjahovica. Kori fitoi çmimin e dytë në kategorinë “kore të përziera” dhe një diplomë të Forumit ballkanik të koreve, kurse çmimi “dirigjent më i mirë” iu dorëzua dirigjentes së korit “Uniteti Sllav”, Donka Koprinkova. Pas çmimit kori mori ftesë për pjesëmarrje në një workshop për mjeshtëri vokale. Kori “Uniteti Sllav” mori pjesë në një ekspozitë fotografike-koncert me emrin “Kujtime nga pjesëmarrja në Konkursin ndërkombëtar të koreve Antalie – Turqi”. Kori mori Çmimin e madh të bashkisë së Razgradit, si dhe një diplomë për interpretimin më të mirë të veprës më të re bullgare të Lidhjes së kompozitorëve bullgarë.

Kori “Evmolpeja”

Një kor i ri magjepsi publikun në Festivalin e XVI-të ndërkombëtar “Zërat e botës” në Nansi të Francës. Ky është kori i Plovdivit “Evmolpeja”, i cili mori çmimin prestigjioz të korit, trofeun e kristaltë. Pasi u kthye në Bullgari kori dha një koncert në Festivalin muzikor ndërkombëtar “Javët muzikore të Sofjes”.

Kori “Angell Manollov”

Ndër koret më të njohura bullgare është Kori akademik “Angell Manollov”. Sivjet ai u kthye me një diplomë të argjendtë të Konkursit ndërkombëtar të koreve në krahinën Miltenberg të Gjermanisë. Në të pas një seleksionimi paraprak marrin pjesë vetëm gjashtë kore nga mbarë bota. Përveç këngëtarëve bullgarë, sivjet morën pjesë formacione nga Izraeli, Indonezia, Sllovenia, Estonia dhe Venezuela. Kori u themelua në vitin 1933 nga Angell Manollov, i cili ishte dirigjent i korit në vazhdim të 57 viteve. Në fillim ky ishte kor meshkujsh, më vonë u bë kor i përzier. Aktualisht dirigjente e tij është Darena Popova.

Formacioni i femrave “Te Deum Adoramus”, me dirigjente Teodora Dimitrova fitoi këtë vit katër çmime në Konkursin ndërkombëtar të koreve në qytetin Freamunde të Portugalisë. Sivjet kori shënoi përvjetorin e tij të 15-të. Më 22 prill formacioni dha një koncert festiv në aulën e Universitetit “Shën Klementi i Ohrit”.

Po të doni të dëgjoni interpretime të zgjedhura të koreve të lartpërmendura klikoni mbi ikonën AUDIO!

Përgatiti në shqip: Vesella Mançeva

По публикацията работи: Elena Cvetkova

Последвайте ни и в Google News Showcase, за да научите най-важното от деня!

Ndaje

Sukseset e koreve bullgare gjatë vitit 2012

Më shumë nga rubrika

Koncert kushtuar muzikantit të madh bullgar Millço Leviev

"Qetë"

Big Bendi i Radios Kombëtare Bullgare hap sezonin e ri me një koncert atraktiv