Edhe mjekët dalin në protesta

botuar më 13-02-28 1.59.MD

Foto: BTA

Vala e protestave, e cila ka përmbushur të gjithë vendin, nuk i kaloj dhe mjekët bullgar. Mosfinancimi i sistemit, jotransparenca e shpërndarjes së mjeteve nga Qendra Kombëtare e Sigurimit Shëndetësor dhe monopoli nga ana e Qendrës – ato janë shkaqet e pakënaqësisë së anëtarëve të Bashkimit të Mjekëve Bullgarë. Protesta është nën moton “Për shëndetin dhe shpëtimin e kombit!” Për të është zgjedhur data 28 shkurt.

“Ne kemi negociuar kushtet e financimit, pot në momentin e fundit ato u ndryshuan dhe na dorëzuan dokumente të tjera, të cilat na kërkojnë që t’i firmosim. Ne refuzuam – shpjegon dr. Diana Çinarska, anëtare e Këshillit Drejtues të Bashkimit të Mjekëve Bullgarë. – Si rezultat të kësaj Qendra Kombëtare e Sigurimit Shëndetësor doli me një pozitë dënuese – për kufizimin e taloneve, me të cilat mjekët familjarë mund t’i dërgojnë pacientët e vet për konsultim me specialist. Këto talone u sigurojnë një shërbim mjekësor falas personave me sigurime shëndetësore. Ato u pakësuan deri më 30 për qind në regjionet e ndryshme të vendit. Kjo na ve në një situatë të rëndë dhe në një dilemë të vendosim se cilin pacient të mjekojmë. Ne e ndiejmë veten të kufizuar në praktikumin e profesionit tonë. Protestojmë, që të mund denjësisht t’i mjekojmë pacientët tanë sipas të gjitha rregullave mjekësore, ashtu siç mjekojnë kolegët tanë në Evropë. Kuptohet, ne nuk flasim për një shpërdorim por për një harxhim të arsyeshëm të mjeteve, por duam liri të mendimit mjekësor. Duam që pacientët tanë të shërohen në frymën e praktikës së mirë mjekësore dhe të kenë prani të barabartë deri tek të gjitha spitalet mjekësore, të garantuar nga kuotat e tyre shëndetësore.”

Bashkimi i Mjekëve Bullgarë këmbëngul për dorëheqjen e drejtorit të Qendrës Kombëtare të Sigurimit Shëndetësor dr. Pllamen Cekov dhe heqjen e të gjitha metodikave rregulluese të cilat kanë çuar deri në vështirësi spitalet të kujdesen për qytetarët bullgarë. Deri në vendimin për protestë të mjekëve u arrit pas sinjaleve të shumta të ardhura nga i gjithë vendi për kushtet e paleverdishme, të cilat i propozon Qendra Kombëtare e Sigurimit Shëndetësor spitaleve gjatë vitit 2013. Sipas drejtorëve të spitaleve të shumta kjo do të çojë deri në shkurtim të personelit, mbylljen e reparteve të tëra për një kohë të caktuar dhe pamundësi që pacientët të mjekohen. Prognoza shqetësuese përmenden për shembull për spitale të tilla të shënuara si Instituti për Ndihmë të Shpejtë “Pirogov”, Spitali “Shën Ekaterina” dhe Spitali i Kardiologjisë Kombëtare. Nga Spitali “Pirogov” njoftuan se, në bazë të rekomandimeve të caktuara dhe të shpenzimeve për ndihmën spitalore për këtë vit akoma më 20 shkurt spitali duhej ta ndërpriste veprimtarinë e vet më të paktën për 3 muaj. Nga Bashkimi i Mjekëve Bullgarë protestojnë dhe kundër vendimit që me mjete nga Qendra Kombëtare të Sigurimit Shëndetësor të mbulohen financiarisht veprimtari, të cilat deri përpara kohe ishin detyrim i shtetit, si për shembull imunizimet dhe procedurat in-vitro. Sipas tyre kjo e ngarkon në mënyrë suplementare Qendrën Kombëtare të Sigurimit Shëndetësor dhe vështirëson punën e mjekëve.

Përgatiti në shqip: Nataniela Vasileva

По публикацията работи: Diana Hristakieva

Последвайте ни и в Google News Showcase, за да научите най-важното от деня!

Ndaje

Edhe mjekët dalin në protesta

Më shumë nga rubrika

Si do të ndikojë zgjedhja e Donald Trump në Evropë dhe në siguri, në mbrojtje dhe ekonomi?

Programi arsimor "Tregimet e pathëna të bullgarëve" me mbështetje të madhe brenda dhe jashtë vendit

Për herë të parë që nga viti 1985, në vendin tonë ka një rënie pothuajse zero të popullsisë

Pse disa nga rrugët e Pragës mbajnë emrat e iluministëve bullgarë?

A do të çojë në një sulm bërthamor vendimi i SHBA-ve për të lejuar Ukrainën të godasë objektiva brenda Rusisë me armë të tyre?