Festivali “Tingujt e Detit të Zi” – festë e muzikës korale

botuar më 13-06-17 8.06.PD

Foto: www.chernomorskizvutsi.com

Audio

Update Required To play the media you will need to either update your browser to a recent version or update your Flash plugin.

Në fillim të muajt qershor në qytetin bregdetar Ballçik u mbajt Edicioni i III-të i Festivalit Ndërkombëtar “Tingujt e Detit të Zi”. Interpretuesit e muzikës korale nga të gjitha qoshet e Evropës u mblodhën në Bullgari. Sipas rregullit, pjesëmarrje marrin kore akademike, të përziera dhe të dhomës. Valentina Georgieva është drejtoresha artistike e forumit.

“Në edicionin e sivjetshëm morën pjesë kore nga pothuajse i gjithë Ballkani, thotë znj. Georgieva. – Kishim pjesëmarrës nga Ukraina dhe Finlanda. Na erdhën dhe tri kore nga Rumania. Katër kore përfaqësuan Bullgarinë – dy nga kryeqyteti, “Dunavski vëlni” /Valët e Danubit/ nga Ruse dhe kori mikpritës “Çernomorski zvuci” /Tingujt e Detit të Zi/. Sivjet kori nga Knjazhevec, Serbi gjithashtu mori pjesë. Vitin e kaluar dirigjentja e tij Martina Milosheviç u dekorua nga Lidhja e Muzikantëve dhe Valltarëve. Ajo meritoi çmimin e dirigjentes më të mirë. Vendet e tjera fqinje u përfaqësuan me kore greke, maqedonase dhe turke. Për t’u theksuar është se sivjet festivali u përqendrua mbi interpretimet e fëmijëve. Përveç programit të detyrueshëm, u dhanë dhe dy koncerte. Në fillim në skenë u ngjitën formacionet e fëmijëve nga Bullgaria dhe nga Ukraina. Më pas u dha shfaqja muzikore “Dita e faljes”. Spektaklin e ka sjellë formacioni vokal dhe teatral “Talasëmçeta”. Udhëheqësi i tij është kompozitori Dimitër Kostancaliev.”

Festivali “Tingujt e Detit të Zi” është skena e vetme ku mblidhen koret për të kënduar në kuadër të “Punishteve të korit”, thotë drejtoresha artistike. – Çdo vit ftojmë kompozitorë, të cilët drejtojnë punishten e dhënë. Në edicionin e parë kishin ftuar Veselina Dragollova nga Bullgaria, kurse në edicionin e dytë – Juha Holma nga Finlanda. Sivjet mysafir e kishim kompozitorin dhe dirigjentin Josu Elberdin. Ai ka imagjinatë për të bashkuar zhanret. Po ashtu kompozitori finlandez ishte pjesë e jurisë e cila vlerëson pjesëmarrësit. Në krye të jurisë ishte bullgari Ognjan Vasilev, i cili prej 22 vitesh punon dhe jeton në Finlandë. Vitin e kaluar ai u shpall dirigjent i Finlandës. Për herë të parë ky çmim i shpërndahet një të huaji. Në Bullgari Ognjan Vasilev ka punuar me koret në Haskovo – “Kolegium muzikum” dhe “Rodna pesen” /Kënga e mëmëdheut/. Në krye të këtyre koreve dirigjenti bullgar meritoi çmimet e konkurseve prestigjioze në Irlandë, Itali, Francë etj.

Anëtare e jurisë ishte dhe vetë Valentina Georgieva. Qëllimi i organizatorëve të “Tingujve të Detit të Zi” është që festivali të bëhet urë midis interpretuesve nga vendet e ndryshme. Zakonisht në program zhvillohet një tavolinë e rrumbullakët ku udhëheqësit e koreve bëjnë diskutime.

Tavolina e rrumbullakët zhvillohet ditën e fundit të festivalit, sqaron drejtoresha artistike. Qëllimi është se çdokush të ndajë mendime dhe ide si nga pikëpamja e punës, ashtu dhe lidhur me çështje financiare. Sivjet tema është “Politikat e repertorit”. Për mendimin tim muzika korale duhet të komunikojë dhe me zhanret e tjera që të jetë më e kapshme për publikun.

Valentina Georgieva është pedagoge e muzikës dhe udhëheqëse e formacioneve të fëmijëve. Po ashtu dirigjon korin e përzierë “Çernomorski zvuci”. Me këtë të fundit ka marrë pjesë në dhjetëra konkurse dhe festivale të fëmijëve në Evropë, si dhe ka merituar çmimet e forumeve kombëtare dhe ndërkombëtare të muzikës. Dirigjentja dhe kori janë duke përgatitur programin e 2014-ës kur “Çernomorski zvuci” do të shënojë 100-përvjetorin e themelimit të tij.

Përgatiti në shqip: Anna Kapitanova

По публикацията работи: Elena Cvetkova

Последвайте ни и в Google News Showcase, за да научите най-важното от деня!

Ndaje

Festivali “Tingujt e Detit të Zi” – festë e muzikës korale

Më shumë nga rubrika

“Mbrëmjet ballkanike” – punëtori muzikore bullgare në Pitsbërg

Mbyllet sezoni i nëntë i Operës Verore "Skena e Shekujve" 2024

"Asker"

“Kutia postare për përralla” vazhdon të udhëtojë mes bullgarëve jashtë vendit

Muzikantët e rrugës performojnë në skena të shumta në natyrë në kryeqytet