Vera, deti dhe dashuria – këto janë temat të cilat ua japin tonin këngëve në edicionin e sotëm të rubrikës “Mini diskoteka”. Sipas traditës një pjesë prej këtyre këngëve janë krijuar posaçërisht për Festivalin e Këngës Pop “Burgasi dhe deti”, i cili u zhvillua në Teatrin e Verës të qytetit me të njëjtin emër. Sivjet Stefka Emilova fitoi çmimin e parë me baladën e kompozuar nga Svetosllav Mihajlov “Si t’ju them”.
Krahas programit të konkursit në Festivalin e sivjetshëm “Burgasi dhe deti” u zhvillua dhe koncerti i një formacioni të formuar posaçërisht me ide të këngëtarit Doni me emrin “Fondacioni”. Në të marrin pjesë muzikantë të shkallës së lartë siç janë Kiril Mariçkov, Ivan Leçev, Slavço Nikolov nga Grupi BTR, Venko nga Gripi “Ata”. Muzikantët interpretuan hitet më të dashura të publikut.
© Foto: arkiv
Tani nga bregdeti do të transferohemi në një skenë tjetër verore, por në Sofje. Koncerti “Vera me radio” organizuar nga Radioja Kombëtare Bullgare paraqiti këngët më të reja të Kalin Veljovit dhe grupit “Tumbaito”. Në fakt këto janë këngë të vjetra bullgare por të orkestruara në stilin “latino”, stil, ky, është karakteristik për këtë grup.
Projekti më i ri i këngëtares së re Mihaela Fileva tashmë është në eterin bullgar me titull “Më jep shenjë”. Bashkë me këngëtaren në të marrin pjesë dhe tre repper krejt të panjohur – Adrian, Donald dhe Bobi, të zgjedhur në konkurs ndër 700 kandidatë. E freskët dhe shumëngjyrëshe, kënga na mbush me humor dhe gëzim.
© Foto: fsb.bg
Sofia Summer Fest – Edicioni Underground, pjesë e Sofia Summer Fest, hapet sonte. Kjo do të ndodhë me një koncert në të cilin do të dëgjojmë dy këngëtaret që me këngët e tyre shënuan muzikën bullgare në prag të mijëvjeçarit të ri - Irina Fllorin dhe..
Toni Dimitrova – këngëtarja me zë karakteristik, e cila është kthyer në një nga simbolet artistike të qytetit bregdetar Burgas – prezanton koncertin e saj solo “Kohë për dashuri” nën qiellin e hapur. Ai është pjesë e turneut të saj kombëtar, duke..
“Horizont” është një grup me një histori 40-vjeçare. I formuar në vitin 1984 nga shokët e klasës dhe miqtë, grupi i ka mbetur besnik rock-ut melodik për katër dekada. Në vitin 1994 nisi zyrtarisht performanca e tij e parë profesionale në skenën e..
Tashmë katër dekada, grupi “Atllas” na ofron muzikën e tyre. Kënga e tyre e fundit me titullin "O-oooh!" është dinamike, me një tingull karakteristik..