Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Fshati i IT-së

БНР Новини

Jemi mësuar me faktin se shumë të rinj bullgarë emigrojnë jashtë shtetit për të gjetur një të ardhme më të mirë. Ja pse lajmi për vendosjen e specialistëve të IT-së në fshatrat e shpopulluara bullgare u përhap shpejt në mediat dhe rrjetet sociale. Ideja i përket 28-vjeçarit Ivan Kukov i cili fitoi konkursin “Bli fshat, krijo një vend më të mirë për jetesë në Bullgari”. I riu është programues i softuerit dhe për mendimin e tij kjo ide mund të realizohet pa problem.

Njëra nga shkaqet për shpopullimin e fshatrave është se nuk ka punë për të rinjtë. “Me zhvillimin e komunikimit personat të cilët punojnë nga distanca pse jo të vendosen në fshatra. Nuk ka lidhje ku po gjenden, me rëndësi është që të kenë qasje tek interneti”, thotë Ivani. Banimi në fshat e ka përparësinë e vetë. Aty jeta është më e qetë se në qytet, ka ajër të pastër, ushqim të shijshëm dhe njerëz me buzë në gaz. Gjithnjë e më shumë entuziastë i bashkohen kësaj ideje. Në Facebook u hap faqja “Fshati i IT-së” dhe anëtarë të saj janë 3400 veta. Ja se çfarë pohon Ivani për të interesuarit:

Снимка“Shumica prej tyre janë me profesione të cilat mund të ushtrohen nga distanca. – Ka gazetarë, përkthyes, çdolloj profesioni, ku nuk është i detyruar qëndrimi në zyrë çdo ditë nga ora 8 në mëngjes deri në 6 pasdite. Përveç kësaj shumë bullgarë jashtë shtetit komunikuan me ne, sepse duan të rikthehen në atdhe dhe të vendosen në fshat. Nuk bëhet fjalë vetëm për të rinj. Po ashtu me ne u lidhën mësues dhe njekë. Kohët e fundit na kërkoi një grua nga Anglia e cila synon të kthehet në Bullgari.”

Para se të përhapet ideja e fshatit IT-së afro 50 entuziastë u takuan në Varna dhe Sofje për të diskutuar kriteret sipas të cilave zgjidhen fshatrat e përshtatshme për popullim.

“Në vend të parë infrastruktura rrugore duhet të jetë e mirë, sepse udhëtimi në një qytet më të madh duhet të jetë pa problem – sqaron Ivani. – Të mos jetë diku lart malit, sepse kur të bjerë dëbora, tri ditë s’mund të lëvizësh. Me rëndësi po ashtu është që elektriciteti të jetë i qëndrueshëm dhe fshati të jetë furnizuar me ujë të pijshëm. Dihet se vetëm në fshatrat e mëdha janë ndërtuar impiante të ujërave të zeza. Sot ka zgjidhje të mira si trajnim lokal i ujërave të zeza në çdo shtëpi.”

Ndër fshatrat të cilat do të popullohen ka të tilla në afërsi të kryeqytetit të Sofjes, në rajonin e maleve Rodope dhe në Veriperëndim të Bullgarisë – rajonin më të varfër. Për mendimin e programuesit Ivan personat të cilët do të vendosen në fshatrat e shpopulluara mund të kombinojnë punën para kompjuterit me rritjen e bletëve, p.sh.. Vendosja e specialistëve të IT-së do të sigurojë punë për mjekët dhe mësuesit. “Po ashtu një familje plakësh mund të kultivojë perime dhe fruta dhe t’i shesë ato kundrejt pagesës”, vë në dukje Ivani, duke përmendur çështjen me aventurat.

“Po të grumbullohen mjaft të rinj në fshat, do të kenë nevojë për kinema. Kjo të fundit mund të bëhet me anë të projektorit dhe kompjuterit. Teknologjia është e përparuar, kështu që mund të organizohen dhe shfaqje teatrale. Shëtitjet gjithashtu sjellin kënaqësi.”

Përgatiti në shqip: Anna Kapitanova

Fotografitë janë ofruar nga Ivan Kukov



Последвайте ни и в Google News Showcase, за да научите най-важното от деня!

Më shumë nga rubrika

Regjisori Elenko Kasalijski me një film për ditët përtej kufirit dhe jetën në bazën bullgare në Antarktidë

Baza Bullgare në Antarktidë u krijua në vitin 1988. Që nga viti 1993 me dekret të presidentit Zhelju Zhelev e mori emrin e Shenjtorit Kliment Ohridski. Që atëherë e deri më sot, në bazën e vendosur në ishullin Livingston, shkencëtarët bullgarë të..

botuar më 24-09-04 7.05.PD

Për 5 ditë Stara Zagora bëhet kryeqyteti i birrës

Përjetime të paharrueshme me birrën e freskët, kokteje të birrës alkoolike dhe joalkoolike të zhvilluara posaçërisht, hite të preferuara bullgare dhe të huaja të hip-hop dhe rok, folklor bullgar dhe meze të shijshme premtojnë nga Komuna e qytetit..

botuar më 24-09-04 5.25.PD

Qyteti Maxharovo në Rodope pret Festivalin e Shkabës

Lojëra, shfaqje filmash, vëzhgim zogjsh dhe koncerte në ajër të hapur janë vetëm disa nga ngjarjet në kuadër të Edicionit të Shtatë të Festivalit të Shkabës, i cili do të mbahet nga 6 deri më 8 shtator në qytetin e Maxharovos. Festa do të shënojë..

botuar më 24-09-01 9.15.PD