Në grupin “Ogi23”bëjnë pjesë Angell Angellov (bas, vokale) dhe Konstantin Angellov (kitarë, vokale) dhe asnjë Ogi. Të dy muzikantët janë njohur që në vitin 2005 kur kanë qenë nxënës dhe tashmë pothuajse dhjetë vjet kënaqin së bashku fansat bullgarë të muzikës punk dhe pop. Konstantin ka studiuar kitarë në Universitetin e Sofjes “Sh. Kliment i Ohrid”. Angell ka mbaruar në degën e marketingut. Të dy muzikantët kanë studio ku kalojnë shumë kohë së bashku. Angell shkruan tekstet e këngëve, ndërsa Konstantin – muzikën. Kanë bashkëpunuar me disa bateristë dhe aktualisht punojnë me Maksim Petrovin. Nga vjen emri i grupit “Ogi23”?
“Kjo është një histori e gjatë – thotë Angell. – Para shumë kohësh punuam në fushën ndërtimore. Neve dhe kolegëve të tjerë shoferi i kamionit na thërriste gjithmonë me emrin Ogi sepse nuk na kishte mësuar emrat e vërtetë.”
Me rast të jubileut të parë muzikantët kanë planifikuar festë të madhe dhe album të tertë. Mirëpo, as Angell as Konstantin nuk “zbulojnë” se cilët janë interpretuesit e tjerë.
“Nuk do të themi me kë kemi bashkëpunuar – thotë Konstantin. – Por janë pesë muzikantë shumë të mirë. Bile në CD-në të re të gjitha këngët do të jenë duet. Kjo do të jetë CD-ja “10 vjet featuring”.
Bashkëpunim të tillë përbën dhe hiti i ri “Rendi i ditës” me “Rudi, Duli, Muden & Kukusheff”. Dy grupet janë njohur në një party privat dhe menjëherë kanë vendosur të bëjnë një këngë të përbashkët. Videoja e kësaj të fundit është xhiruar në vendin e preferuar për “Ogin 23” – kampingun “Gradina”.
Muzikantët e “Ogit 23” janë duke pushuar në kampingun “Gradina”. Për muajin shtator ata kanë përgatitur një “sulm” të ri muzikor.
Përgatiti në shqip: Anna Kapitanova
Toni Dimitrova – këngëtarja me zë karakteristik, e cila është kthyer në një nga simbolet artistike të qytetit bregdetar Burgas – prezanton koncertin e saj solo “Kohë për dashuri” nën qiellin e hapur. Ai është pjesë e turneut të saj kombëtar, duke..
“Horizont” është një grup me një histori 40-vjeçare. I formuar në vitin 1984 nga shokët e klasës dhe miqtë, grupi i ka mbetur besnik rock-ut melodik për katër dekada. Në vitin 1994 nisi zyrtarisht performanca e tij e parë profesionale në skenën e..
Festivali muzikor Breeze by Exit do të mbahet në qytetin tonë të Detit të Zi, Varna nga 15 deri më 18 gusht. Forumi muzikor është bashkim i dy festivaleve - EXIT (Serbi) dhe Breeze (Bullgari), dhe edicioni pilot do të quhet "Varna Breeze by Exit"...
“Pa ty nuk ka dashuri” është kënga e fundit e Maksim Jallnëzov. Përveç se është interpretues, ai është edhe autor i muzikës dhe tekstit. “Pa ty nuk..