Subvencioni evropian prej rreth 31 miliona eurove sipas projektit “Rehabilitimi energjetik i pallateve në Bullgari” mund të humbet për shkak të afatit të vonuar të realizimit. Asociacioni i shoqërive të pronarëve alarmon se vonesa vë në rrezik të madh pjesëmarrjen e Bullgarisë në periudhën e ardhshme të programeve të BE-së. Organizata përbëhet nga 29 shoqëri nga 11 qytete bullgare. Më se 180 pallate në Bullgari duhet të rehabilitohen deri në fund të 2015-ës me ndihmën e Programit Operativ “Zhvillimi rajonal”.
Por për shkak të veprimeve të vonuara të Ministrisë së Zhvillimit Rajonal me 18 muaj të tërë subvencioni evropian ndoshta do të humbet. Sepse dy vjet pas startimit të projektit në Bullgari ka vetëm dy pallate ku punohet. Ndërkohë, nga Ministria e Zhvillimit Rajonal nuk japin informacione për edhe 180 pallatet e tjera të cilat duhet të rehabilitohen brenda 12 muajve që po mbeten. Njerëzit shqetësohen edhe për arsye tjetër – paratë të cilat kanë ndarë për rehabilitim aktualisht janë bllokuar në Bankën Korporative Tregtare.
Sa janë paratë e bllokuara dhe si do të realizohet projekti më tej?
Mësojmë nga zv.kryetarja e Asociacionit të Shoqërive të Pronarëve, znj. Diana Dimitrova: “Disponojmë informacione për rreth 200 mijë euro të bllokuara në Bankën Korporative Tregtare. Nuk kemi të dhëna se çfarë do të ndodhë me këto para. Ministria nuk na sqaron asgjë. Nevojiten masa të menjëhershme që të sqarohet çështja a këto para do të transmetohen te banka tjetër. Në Bankën Korporative Tregtare mbahen jo vetëm depozitat, por edhe paratë e fondit të rehabilitimit të banesave, nga i cili fond vijon t’u jepen kredi njerëzve të cilët dëshirojnë rehabilitim, por nuk kanë të holla. Tani për tani nuk dihet se çfarë do të ndodhë me fondin.”
Qytetarët bullgarë presin reagimin e shpejtë të ministres teknike, znj. Ekaterina Zaharieva, që të mos i humbasë Bullgaria edhe këto para evropiane. Anëtarët e asociacionit thonë se për shkak të pengesave me bankën dhe ministrinë, zmadhohen konfliktet mes qiramarrësve dhe kujdestarëve të pallateve, dhe njerëzit shqetësohen shumë. Shumë nga pjesëmarrësit e programit operativ janë të papunë ose të moshuar, të cilët mezi kanë siguruar 250 eurot taksë pjesëmarrjeje në program. Tani këta njerëz mbështeten tek institucionet për ndihmë në prag të dimrit dhe faturave të larta të korrentit dhe ngrohjes qendrore.
Përgatiti në shqip: Anna Kapitanova
Të martën ishte sesioni i parë konstituiv i Parlamentit të ri Evropian për konstituimin e Parlamentit të ri, krijimin e komisioneve parlamentare dhe zgjedhjen e kryetarit të ri të institucionit. Kandidatura e Ursula von der Leyen për presidente të..
Specialistë të gjuhës bullgare nga 32 vende nga tre kontinente marrin pjesë në seminarin trejavor për gjuhën dhe kulturën bullgare, i cili filloi sot në Universitetin e qytetit Veliko Tërnovo. Sipas korrespondentit të BNR-së në kryeqytetin e vjetër,..
Në Bullgari ka 5257 vendbanime, sipas regjistrit të Institutit Kombëtar të Statistikave nga viti 2021. Prej tyre, afro 5000 janë vendbanime të vogla, por sipas statistikave, çdo vit “vdes” nga një fshat bullgar sepse prej tij është larguar edhe banori i..
Bullgaria do të mirëpresë rreth 200 nxënës dhe të rinj nga e gjithë bota, të cilët do të marrin pjesë në Olimpiadën e parë Ndërkombëtare të..
Pas nënshkrimit të marrëveshjes mes qeverive të Bullgarisë dhe Moldavisë, Universiteti Shtetëror në qytetin Taraklia u bë strukturë e Universitetit..