Struma është duke kënduar dhe festuar, sepse në mes të gushtit në fshatin Nevestino të rrethit të Kjustendilit në Bullgarinë Perëndimore po zhvillohet festivali i emrit të lumit, i cili kalon përmes fshatit. Sivjet festimet filluan që më 15 gusht, kur është festa e bashkisë. Sipas kalendarit të krishterë kjo është Fjetja e Hyjlindëses Mëri. Emrin “Shën Mëria” e ka një kishë e Mesjetës së vonshme, e cila kishë është monument i kulturës dhe ndodhet afër fshatit Pastih të baskisë së Nevestinos. Tubimi do të shndërrohet në një takim muzikor, i cili do të grumbullojë grupet amatore dhe interpretuesit individualë nga të gjitha vendbanimet nëpër rrjedhën e lumit Struma. Ditët e festivalit folklorik janë 16 dhe 17 gushti.

“Ky është edicioni i nëntë me radhë i festivalit “Struma këndon” – tregon Antoaneta Georgieva, sekretare e bashkisë. – Në vitin 2006 bashkia e Nevestinos rimëkëmbi festivalin folklorik, pas një pauze të gjatë. Unë dhe kolegët e mi jemi duke punuar mbi këtë aktivitet me një entuziazëm të madh. Qëllimi ynë është që të ketë më shumë grupe amatorësh, të cilët të marrin pjesë në aktivitet. Ftojmë çdo një institucion, çdo një shkollë, dhe klub, ku zhvillohet folklori ynë për të qenë të pranishëm në “Struma këndon”. Sivjet do të ketë 1 500 pjesëmarrës, të cilët do të kenë shfaqje në vazhdim të dy ditëve. Festivali zhvillohet nën patronazhin e kryetarit të bashkisë inxhinieri Dimitër Stamenov. Skena e tij është në parkun e fshatit Nevestino, afër Urës mesjetare Kadin, të ndërtuar në vitin 1470. Sipas traditës do të marrin pjesë dy formacionet muzikore të fshatit: ansambli koreografik i fëmijëve pranë vatrës kulturore “Prosveta” (“Iluminizmi”) dhe grupi i këngëtareve. “Struma këndon” ka karakter konkursi. Dhe meqenëse në të marrin pjesë këngëtarë, instrumentistë dhe valltarë, edhe në juri ka përfaqësues të çdo një prej këtyre sferave.”

Përgatiti në shqip: Vesella Mançeva