Prima e operës bullgare Rajna Kabaivanska përsëri është në atdhe për punën e saj aktive me këngëtarë të rinj. Nga data 11 deri më 27 shtator u zhvillua klasa e 14 ndërkombëtare e mjeshtërisë. Në të ajo mësoi 14 interpretues të rinj nga Bullgaria, Italia, Greqia, Kili, Koreja dhe Porto Riko. Sipas traditës ajo përfundon me një gala koncert të nxënësve të saj. Sivjet koncertet janë dy – në Sofje (28 shtator) dhe në Plovdiv (29 shtator), me orkestrën e Operës së Sofjes nën shkopin e dirigjentit Najden Todorov. Më të mirëve nga pjesëmarrësit në klasën e mjeshtërisë Rajna Kabaivanska u caktoi bursa për mësim.
“Quhem Daniella Nineva dhe jam nga qyteti Stara Zagora. Prej gjatë vjetëve jetoj në Itali, në qytetin Lakuilla ku fillova të mësoj këndim operistik. Prej kohe ëndërroja të marrë pjesë në klasën e mjeshtërisë së Rajna Kabaivanskës dhe me një dëshirë të madhe u regjistrova për dëgjimin sivjet. Gëzohem se ajo më pranoi. Jam shumë e kënaqur nga ditët, e kaluara në kurs, nga ajo të cilën e mësova, si dhe nga njohja me këngëtarët e tjerë – njerëz të rinj, të këndshëm e të talentuar.”
Pas Daniella Ninevës 26 vjeçe do t’ju takojmë me vërsnikun e saj Marin Jonçev. Publiku e mban mend si fitues në shoun televizive “Star akademi”. Në atë kohë ai përfundonte Shkollën Muzikore në qytetin Plovdiv.
“Me opera merrem seriozisht relativisht vonë – tregon Marin Jonçev. – Kryesisht punoj me Rajna Kabaivanskën, që për mua është një nder tepër i madh. Përpara kësaj mësova në Konservatorin e Gjenevës. Natyrisht, që motra ime këngëtarja e operës Sonja Jonçeva më ndihmon sa i përket anës vokale. Vite të gjata jam marrë me pop dhe rok muzikë, por opera është dashuria ime e madhe.”
Organizator i programit kulturor është Universiteti i Ri Bullgar. Një pjesë prej tij është ekspozita, e cila do të hapet më 30 shtator në Vivacom Art Hall. Ekspozita përfshin foto të artit, të cilat kanë vulosur momente të shënuara nga karriera e saj. Ato janë të dërguara nga teatrot e operës, në të cilat Rajna Kabaivanska ka kënduar. Mes tyre janë: Metropolitan, Covent Garden, La Scala. Një seri fotografish tregon bukurinë e roleve të saj të ndryshme skenike, tjetër –situata kureshtare dhe foto prapa perdes me artistë të njohur si Karajan, Kallas, Kareras, Domingo. Në ekspozitë ka dhe kostume skenike, të krijuar posaçërisht për këngëtaren bullgare në teatrot botërore.
“Për nder të Rajna Kabaivanskës” – kështu titullohet gala-koncerti, i cili do të zhvillohet më 25 tetor në Teatro Rexho në Parma të Italisë. Më 16 dhjetor do të jetë premiera e librit të saj biografik – album për jetën e saj. Pika kulmuese e programit, kushtuar 80 vjetorit të Rajna Kabaivanskës është më 18 dhjetor në Pallatin Popullor të Kulturës në Sofje. Për të marrë pjesë në gala-koncertin bamirës në Bullgari mbërrijnë nxënës të saj me një karrierë botërore.
Përgatiti në shqip: Nataniela Vasileva
Fotografitë janë ofruar nga organizatorët
Edicioni i dytë i festivalit për muzikën e rrugës dhe kulturën autentike urbane Street Music Fest pret fansat e tij nga 27 deri më 29 shtator në sheshin "Sllavejkov" të kryeqytetit. Forumi gazmor plot ngjyra do të mbledhë muzikantët e rrugës së..
Muzikantët nga DEEP ZONE Project na ofrojnë përsëri një kombinim të tingullit të klubit me atë të folklorit bullgar në këngën e tyre "Diçka më e mirë", këtë herë së bashku me Bisera dhe Lidija. Kur Dian Savov, i njohur si DJ Dian Solo, i kërkoi dy..
Projekti “Artistë që këndojnë” i producentit Igor Markovski tashmë ka këngën e tij të 41-të me titullin “E di prej kohësh”. Ajo është një duet lirik i këngëtares Maja Jordanova dhe kompozitorit Momçill Kolev, i cili krijoi muzikën. Aranzhimin e bëri..
Kënga e fundit e Vlladi Ampov - Grafa është "Një herë në një milion". Autori i muzikës dhe aranzhimit është vetë Vlladi, ndërsa teksti është i Rushi..
Toma Zdravkovin e njohim si një nga zërat më karakteristikë të rokut bullgar. Pas një periudhe të ngopur me pjesëmarrje në formate televizive, ai..