Partia e majtë Syriza në mënyrë të pritur fitoi zgjedhjet në Greqi. Tani Evropa shqetësohet me synimet radikale të kryeministrit Aleksis Cipras. Fitorja e Syriza-s sigurisht do të ndikojë mbi suksesin e lëvizjes së ngjashme Podemos në Spanjë, ku priten zgjedhje parlamentare. Kthimi në të majtën i dy vendeve të Krahut Jugor të BE-së u paraprit nga protestat kundër shkurtimeve sociale, papunësisë së madhe dhe shantazhit të bankave me hipotekat. Të gjitha problemet e lartpërmendura ekzistojnë dhe në Bullgari, por s’besohet se do të çojnë në shfaqjen e kësaj dukurie.
Në shikim të parë në Bullgari prej vitesh vërehen parakushtet për shfaqjen e së majtës radikale. Papunësia në vend është shumë e lartë, pagat janë të ulëta, ndërsa pensionet – edhe më të ulëta, ka korrupsion në të gjitha shtresat shoqërore dhe ekonomia nuk avancon.
Greqia varet nga BE-ja, Banka Qendrore Evropiane dhe Fondi Monetar Ndërkombëtar, derisa në Bullgari që pas ndryshimeve më 1989 u vendos modeli ekonomik neoliberal i FMN-së dhe Bankës Botërore. Sot të majtën politike bullgare e përbëjnë Partia Socialiste, lëvizja e shkëputur prej saj ABV-ja (Alternativa e Rilindjes Bullgare) që është partner koalicioni në qeverinë e qendrës së djathtë, dhe partia nacionaliste “Ataka”. Pikërisht socialistët vendosën taksën e sheshtë ultraliberale dhe ulën tatimin korporativ deri 10 për qind dhe ashtu Bullgaria u rendit mes zonave ekzotike offshore. Përveç rritjes simbolike të pensioneve dhe shtesave amënore, e majta në Bullgari nuk bëri gjë tjetër. Megjithëse vendi ynë është shumë më i varfër se Greqia, nuk vërehet asnjë shenjë e pakënaqësisë shoqërore e cila ta provokojë lindjen e Syriza-s ose të Podemos-it.
Kryeministri grek Cipras fitoi zgjedhjet me programin e tij utopik për faljen e ndjeshme të borxhit, 300 mijë vende të reja pune, pension të 13-të dhe mbrojtje të marrësve të vonuar të kredive. Mirëpo, qeveria greke ka shans të pakësojë kontrabandën dhe korrupsionin dhe të përmirësojë grumbullimin e taksave, sidomos nga oligarkët. Kjo vjen edhe për Bullgarinë, por në fakt të lartpërmendurit nuk janë objekt i politikës qoftë të majtë qoftë të djathtë, por kanë të bëjnë me funksionimin e pushtetit gjyqësor. Që nisën ndryshimet në Bullgari më 1989 protestat në masë nuk janë shumë për nga numri dhe janë pa sukses. Sikur pakënaqësia e popullit bullgar nuk mjafton për të lindur formacioni i ri politik.
Përgatiti në shqip: Anna Kapitanova
Ali Ahmeti, kryetar i partisë më të madhe shqiptare në Maqedoninë e Veriut, Bashkimi Demokratik për Integrim, foli më 16 prill me ambasadorin bullgar në Shkup, Angell Angellov, njoftoi BGNES. Në takim, Ahmeti tha se deklaratat e kryeministrit..
Turqia ka shpallur luftë tatimore për mallrat e lira nga jashtë Turqia ka vendosur të rrisë ndjeshëm taksat për mallrat e blera jashtë vendit. Kufiri pa taksa për mallrat e blera jashtë vendit është ulur nga 150 në 30 euro (1098.87 TL)...
Bullgaria po përballet me zgjedhjet e shtatë të parakohshme parlamentare radhazi në tri vitet e fundit. Arsyeja është se edhe një herë, të tri mandatet eksploruese, t’u dorëzuara nga presidenti partive të përfaqësuara në parlament, mbetën të..
Turqia dëshiron të anëtarësohet në BRICS Turqia ka aplikuar për anëtarësim të plotë në BRICS dhe anëtarësimi i saj do të diskutohet në..