Bullgarët janë evropianët më të varfër, d.m.th. kanë më pak para, por për nga numri i filialeve bankare për frymë të popullsisë janë në vendin e parë në BE. 100 000 vetave u takojnë 62 zyra të bankave. Vetëm një krahasim, në Norvegji ato janë mezi 10, ndërsa në Gjermani 100 000 vetave u takojnë 14 dega bankare. Në fakt, po thuaj në asnjë qytet evropian, ndoshta vetëm me përjashtim të Italisë, nuk mund të shihet një larmi dhe një grumbullim i tillë i zyrave luksoze bankare nëpër rrugët qendrore, ashtu edhe në periferitë më modeste.
Kjo prani bankare që nuk u përgjigjet mundësive modeste financiare të bullgarëve vështirë mund të shpjegohet me arsye racionale ekonomike, d.m.th. është më tepër një demonstrim i prestigjit dhe mirëqenies, demonstrim që shpesh herë tejkalon kufirin midis shijes së mirë dhe arsyes nga njëra anë, dhe nga tjetra tregon mungesës e masës. Akoma më tepër se kjo është në sfondin e tendencës botërore të depërtimit gjithnjë e më masiv të pagesave elektronike me anën e internetit dhe bankomateve.
Se sa shumë të jenë filialet bankare duhet të pohojmë, se shumica prej tyre nuk ankohen për mungesë të klientëve. Edhe pse janë të varfër, bullgarët kanë kursime prej afro 30 mlrd eurosh. Prania fizike e klientëve bankarë në filialet nga ana e saj flet, se format moderne të bankimit ende nuk janë depërtuar në mënyrë masive në të përditshmen e bullgarëve, me gjithë se më shumë së 40% prej tyre pohojnë, se përdorin rregullisht internetin me të gjitha mundësitë bashkëkohore të rrjetit botëror. Në të njëjtën kohë mezi 2% prej bullgarëve përdorin bankimin online. Duhet të pohohet gjithashtu, se vet bankat e kanë të qartë, se e ardhmja i përket bankimit online dhe të gjitha ato ofrojnë në mënyrë masive shërbimet e tyre virtuale online dhe bile disa prej tyre janë falas për klientët. Një premisë për bumin e paevitueshëm të shërbimeve elektronike bankare edhe në Bullgari është rrethana, se secili qytetar në vend ka së paku nga dy karta bankare dhe se ndryshe nga tregtia tradicionale e zbehur në versionin e saj elektronik po lulëzon.
Siç duket, shenjet e para të depërtimit të bankimit në epokën e internetit tashmë janë në pah, sepse shumica e bankave në vend fillojnë të shkurtojnë praninë e tyre fizike nëpër rrugët dhe qendrat tregtare, duke mbyllur filialet e tyre. Bëhet e qartë, se edhe ato e kanë ndërgjegjësuar mendimin e ekspertëve botëror, se gjatë 20 vjetëve të ardhshme filialet bankare në fakt do të zhduken dhe do të zëvendësohen plotësisht nga bankimi elektronik.
Përgatiti në shqip: Sofia Popova
Depozitat në banka për tremujorin e parë të vitit 2024 arritën shifrën rekord prej 75.4 miliardë euro (150 miliardë leva). Nga janari në mars, depozitat u rritën me 1.35 miliardë euro (2.7 miliardë leva) ose me 1.8%. Rritja është kryesisht për shkak..
Qeveria e përkohshme e ngarkoi zëvendëskryeministren dhe ministre të financave Ljudmila Petkova që të paraqesë deri më 11 shtator një propozim për një ndryshim në Planin e Rimëkëmbjes dhe Qëndrueshmërisë sipas kapitullit REpowerEU. Kjo bëhet për të..
Sipas analizës së Konfederatës së Sindikatave të Pavarura në Bullgari, të ardhurat e nevojshme mujore në qershor për të mbajtur jetën e një familjeje prej tre anëtarësh me dy punëtorë dhe një fëmijë deri në 14 vjeç janë 2615 leva (1315 €), tregon..