Ekipi i “Familjes Fortisimo” i ka vënë vetes si detyrë ta bëjnë takimin e fëmijës me muzikën klasike të këndshme dhe kureshtare. Çdo muaj salla “Bëllgaria” në kryqet mbushet me spektatorë të rinj, sepse atje jepen programe në formën e shfaqjes teatrale. Interesi ndaj tyre bëhet gjithnjë më i madh. E vërteton stina e trete e iniciativës. Krijues i “Familjes Fortisimo” është dirigjenti Maksim Eshkenazi, i cili jeton dhe punon në SHBA. Ai transferon përvojën e vet në programet edukuese me muzikë klasike në Bullgari dhe kështu projekti startoi.
Në ekip bën pjesë dhe Aleksandër Çobanov, shkrimtar dhe skenarist i joshur nga muzika dhe idetë e projektit. Në një intervistë për Radio Bullgarinë ai tregon: “Gradualisht përrallat tona u transformuan në spektakle. Gjithçka fillon me muzikën. Maksim Eshkenazi dhe Svetllana Terzieva (drejtore muzikore e projektit) po përgatitin veprat, pas kësaj unë vendos çfarë të jetë historia. Aktorët e shfaqjeve tona bëjnë lidhjen midis përrallës dhe muzikës. Me pëlqen që idetë të lindin gjatë procesit të punës – kur të gjithë jemi në të njëjtën gjatësi vale finali është i mire. Pas përrallave për instrumentet e ndryshme muzikore stinën e kaluar përfunduam me një tregim për orkestrën simfonike dhe dirigjentin, tani kemi propozime të reja. I njohim fëmijët me kompozitorë ose me periudha muzikore.”
“Koncertet për adoleshentët më pëlqejnë shumë. I pari që realizova ishte për “Love story” – vazhdon Aleksandër Çobanov. Ai është mbi “Romeo dhe Xhulia” të Shekspirit. Mbështetem mbi njohuritë e nxënësve të orëve të letërsisë. Muzika në këto spektakle është më popullore, ndërsa në tekst vëmë theksin mbi tema serioze si dashuria urrejtja, hakmarrja. “Historia kalorësish” është krijuar mbi romanin “Don Kishot” të Servantesit, ndërsa “Hëna e plotë” – mbi pjesët e Sirano de Berzherak. Sipas fjalëve të Maksim Eshkenazit, ne jemi pionierë në këto programe jo vetëm në Bullgari. Adoleshentët nuk janë auditor i lehtë, ata janë të orientuar tek reality formatet. Përfitojmë nga ky fakt duke përfshirë në koncertet emra të njohur si Mihaella Fileva, Angel Kovaçev nga dueti “Angel dhe Mojsej” etj. Pas ardhjes, kuptojnë, se muzika klasike nuk është aq e frikshme. Projekti ynë miltimediatik është në bazën e serisë së përpunuar nga kritiku i njohur amerikan Joseph Horowitz ( Xhouzef Horoviz), i cili eksperimenton me formate të reja për auditorin. Gjatë vitit të kaluar publiku pati mundësi të shohë “Dvorzhak në Amerikë”, ndërsa tani po përgatitim për skenë “Çajkovski: fëmijë prej qelqi” , kushtuar ditëve të fundit të kompozitorit.
Më 7 dhe 8 shkurt “Familja Fortisimo” prezantoi programin e saj të dashur “Përralla për perkusionet” me pjesëmarrjen e ansamblit “Noble Drummers”. Në të ekzekuton Aleksandër Cvetkov, i cili tregon: “Koncertet kalojnë me interes të madh. Fëmijët janë kureshtarë, disa janë të përgatitur paraprakisht dhe dinë për familjen e instrumenteve me goditje. Në koncertin tonë të fundit partner ynë ishte Adriana Nikollova – me nofkën Peçenkata, e cila është “beatboxer”, do më thënë imiton instrumentet muzikore. Vendosim dialog me të dhe provokohemi reciprokisht dhe dëshirojmë që improvizimi të krijojë emocione suplementare tek fëmijët. Skenari është përqendruar mbi kontinentin afrikan, prandaj përdorim përveç instrumenteve tradicionale me goditje dhe disa tipike për të si amadinda – perkusion nga Uganda.”
Përgatiti në shqip: Sofia Popova
Fotografi: “Familja Fortisimo”
Edicioni i dytë i festivalit për muzikën e rrugës dhe kulturën autentike urbane Street Music Fest pret fansat e tij nga 27 deri më 29 shtator në sheshin "Sllavejkov" të kryeqytetit. Forumi gazmor plot ngjyra do të mbledhë muzikantët e rrugës së..
Muzikantët nga DEEP ZONE Project na ofrojnë përsëri një kombinim të tingullit të klubit me atë të folklorit bullgar në këngën e tyre "Diçka më e mirë", këtë herë së bashku me Bisera dhe Lidija. Kur Dian Savov, i njohur si DJ Dian Solo, i kërkoi dy..
Projekti “Artistë që këndojnë” i producentit Igor Markovski tashmë ka këngën e tij të 41-të me titullin “E di prej kohësh”. Ajo është një duet lirik i këngëtares Maja Jordanova dhe kompozitorit Momçill Kolev, i cili krijoi muzikën. Aranzhimin e bëri..
Kënga e fundit e Vlladi Ampov - Grafa është "Një herë në një milion". Autori i muzikës dhe aranzhimit është vetë Vlladi, ndërsa teksti është i Rushi..
Toma Zdravkovin e njohim si një nga zërat më karakteristikë të rokut bullgar. Pas një periudhe të ngopur me pjesëmarrje në formate televizive, ai..