Nga dita e premte deri në ditën e diel në qendrën dimërore Bansko do të mbahen 3 startet e “Kupës Botërore në Skijim te femrat”. 52 skitare, ndër të cilat shtatë kampione olimpike, nga një total prej 20 vendeve, do të konkurrohen në garën ndërkombëtare. Skitaret do të garojnë në një shteg skijimi prej 3 kilometrash që ndodhet nën majën “Todorka”. Në Bankso do të mbërrijnë disa nga yjet në skijim – Anna Fenninger (Austri), Tina Maze (Slloveni), Lidsey Vonn (SHBA),Viktoria Rebensburg (Gjermani) etj. Interesi për garat është i madh – ka mundësi të madhe që kampionia e sivjetshme e Kupës Botërore të përcaktohet pikërisht në Bansko. Tri javë para fundit të sezonit në krye të klasifikimit të përgjithshëm është sllovenia Tina Maze me përparësi minimale para kampiones së dyfishtë nga gara në SHBA, austriakes Anna Fenninger.
Për të pestën herë në qendrën më moderne të skijimit në vend Bankso starton vargu më prestigjioz i garave në dispolinat alpine. Mirëpo, për herë të parë Bullgaria u dallua si destinacion i sportit të skive në vitin e largët 1981 me qendrën tjetër dimërore Borovec. Atëherë e gjithë Bullgaria priste me padurim garën e skitarit të vetëm bullgar të nivelit botëror në disiplinat alpine Petër Popangellov. Sot Bullgaria nuk gëzon skitarë të rangut të tij, por gjithsesi sporti i skive është i popullarizuar mes bullgarëve dhe publiku bullgar pret garat me padurim. Stadiumi i finales grumbullon 5 mijë shikues. Po ashtu është ndërtuar një zonë zbavitëse për turistët bullgarë dhe të huaj në Bansko. Tradicionalisht para startit të Kupës Botërore gazetarët ftohen në një ekspozitë të gatimeve karakteristike për qytetin Bansko. Aktiviteti tjetër që do të organizohet është Edicioni i Parë i Festivalit të Filmit “Snow Cinema” për sportin e skive dhe të snowboard-it.
Më se 300 gazetarë të akredituar nga mbarë bota do të transmetojnë Kupën Botërore në Skijim te femrat. 28 televizione do t’i transmetojnë drejtpërdrejt startet në Amerikën Veriore, Evropë, Afrikë dhe Azi. “Për marketing më të mirë të turizmit dimëror në Bullgari, s’mund të ëndërrojmë”, tha Ministri i Sportit, Krasen Kralev. Që të mbahet Kupa Botërore në Bankso, “fajin” e ka Marc Girardelli, kampion i pesëfishtë i kësaj kategorie. Prej vitesh ai është qytetar nderi i Banskos dhe është njëri nga skitarët më aktivë në popullarizimin e “sportit të bardhë” jashtë qendrave të njohura të skijimit në Alpe. “E ardhmja e sportit të skive është në Evropën Lindore, bile në Azi”, tha Marc Girardelli, dukë shtuar: “Në vendet alpine si Franca, Zvicra dhe Austria sporti i bardhë e ka arritur kulmin e vet. Jam i mendimit se sporti i skive duhet të orientohet te Lindja ku ka shumë fansa dhe potencial të madh. Njerëzit këtu janë të etur për gara të nivelit sa më të lartë siç janë startet e Kupës Botërore. Bullgaria, në veçanti Banskoja është mikpritësja perfekte e sportit të skive.”
Përgatiti në shqip: Anna Kapitanova
FAI 2024 po mbahet me mbështetjen e Bashkisë së Varnës në datat 20 dhe 21 korrik në zonën pranë fushave të lojës të parkut l pranë Asparuhovës. Ndër pjesëmarrësit janë pilotë drone nga Bullgaria, Rumania, Serbia, Turqia, Letonia, Polonia, Italia,..
Më 21 korrik hapet në Lisbonë Kampionati Evropian për Persona të Transplantuar dhe Dializuar. Deri më 28 korrik, përfaqësues nga 28 vende do të festojnë fitoren e jetës mbi vdekjen, sepse një "po" mund të shpëtojë deri në tetë jetë njerëzish...
Kreu i shtetit Rumen Radev dekoroi Kombëtaren Bullgare të Volejbollit për femra nën 18 vjeç me Pllakë Nderi të Presidentit. Çmimi është për meritat e shquara në zhvillimin e sportit bullgar dhe fitimin e vendit të parë në Kampionatin Evropian të..