Gjithnjë e më shpesh flasim për IT sektorin si për një sektor tërheqës për bullgarët e rinj. Është e kuptueshme sepse kjo është industria që zhvillohet më shpejtë në Bullgari, me rritje dyshifrore vjetore, papunësi zero dhe bile mungesë kuadrosh, dhe paga disa herë më të larta sesa është paga e mesme në Bullgari. Për këtë arsye është pak e çuditshme se ka njerëz, të cilët braktisin punën e tyre të paguar mirë dhe preferojnë të merren me një ndërmarrje të pasigurt. I tillë është rasti me të shtatat nga Dextrophobia Rooms – Petër Kostov, Angell Najdenov, Aleksandër Grozdanov, Bozhidara Zaharieva, Dimitër Petrov, Mariela Levieva dhe Svetlin Gërbatov. Ndoshta i inkurajon fakti se janë vetëm nga 25 vjeç dhe dëshirojnë të bëjnë diçka të tyre, të punojnë së bashku. Shtatë miqtë janë të vetmet në Bullgari, të cilët merren me një tendencë të re të industrisë së argëtimeve – bëhet fjalë për ashtuquajturën “dhomë-puzzle”.
Çfarë është kjo dhomë?
“Njerëzit janë mbyllur për një orë brenda një ambienti dhe qëllimi i tyre është që të dalin jashtë – shpjegon Petër Kostov. – Për të dalë nga dhoma, ata duhet të gjejnë përgjigjen e një seri pyetjesh dhe të zgjidhin së bashku disa probleme. Është me rëndësi të madhe që njerëzit të luajnë në ekip. Provokojmë kryesisht mundësinë e tyre që të gjenerojnë ide të reja, të dëgjojnë njëri-tjetrin. Nuk vihen në provë mundësitë e tyre fizike, nuk kontrollojmë dituritë e tyre enciklopedike. Dhoma është krijuar kështu, që të provokojë kreativitetin e lojtarëve. Dhe pikërisht kjo stimulon emocione të forta. Këtu elementi i befasisë gjithashtu zë një vend të rëndësishëm. Krijojmë atmosferë të posaçme, njerëzit hyjnë në këpucët e ndonjë personazhi dhe ndiejnë veten si pjesëmarrës në ndonjë film. Ne krijojmë gjysmën e këtij filmi, lojtarët e bëjnë tjetrën. Secili skuadër është i ndryshëm.”
Ideja për këtë lloj argëtimi nuk është e ekipit të Dextrophobiës. Dhoma të tilla ekzistojnë në Evropë, para kësaj u shfaqën dhe në SHBA. Më parë të shtatat kanë vizituar Hungari për të parë se si punonte një dhomë të tillë atje. Pas kthimit të tyre në Bullgari ata ishin të bindur se mund ta bëjnë këtë lojë akoma më interesante. Për tetë muaj ata përpunuan dhomën e tyre dhe që nga 10 qershori i vitit të kaluar ajo funksionon.
“Krijimi i dhomës së parë ishte financuar nga ne dhe investimi kryesor ishte në punë dhe kohë të lirë – tregon Petër. – Të gjithët punonim 8 orë në ditë në kompani të ndryshme. Na ndihmonte këtë se jemi miq dhe kalojmë së bashku kohën tonë të lirë. Por në vend të që të luajmë me letra, apo të pimë birë në park, ne krijuam diçka, për të cilën kishim menduar gjatë dhe të cilën e duam në të vërtetë.”
Petër shpjegon se investimi i tyre fillestar nuk ishte i madh – rreth 10 mijë leva (afro 5 mijë euro). Duke filluar me shpresën se të paktën do t’i kthejnë këto para, biznesi i tyre po sjell mjaft të ardhura. Nisma e tyre tërhoqi interesin e fondit për kapital në aventurë. Ai siguroi financimin më serioz për një pjesë të biznesit dhe e përfshi ekipin e të rinjve në programet e vet të mentorimit. Kështu disa nga të rinjtë braktisën punën e tyre të përhershme duke iu përkushtuar idesë së mirë. Aktualisht ata punojnë mbi dhomën e dytë, që do të hapet gjatë pranverës. Planet e tyre të biznesit përfshijnë ofrimin e biznesit si franshiza. Që nga hapja e dhomës së parë deri tani numri i vizituesve të saj është pothuaj 7 mijë. Ndër ta ka adhurues të aventurave të moshave të ndryshme nga Bullgaria dhe nga shtete të tjera. Dhe pavarësisht se grafiku i dhomës është plot për një muaj e gjysmë përpara, të shtatat po mendojnë për këtë se si të tërheqin më shumë klientë të huaj.
Përgatiti në shqip: Jordanka Ivanova
Festivali “Varvara Kite Fest” përfshin klasa të mjeshtërisë, ekspozitë fotografike dhe kinema verore për fëmijë. Edicioni i katërt do të mbahet më 18 dhe 19 gusht në fshatin turistik Varvara, Komuna Carevo, njoftuan organizatorët nga “Mrekullitë e..
Në ditët më të nxehta të verës, anëtarët e Organizatës “Greenpeace” udhëtojnë në të gjithë vendin për të treguar se sa nxehtë është në mjedisin urban. Me ndihmën e kamerave termike zbulojnë temperaturën përreth ndërtesave, e cila në qytete si Plovdiv..
“48 orë Varusha-jug” mbahet në periudhën nga 16 deri më 18 gusht në qytetin Veliko Tërnovo. Festivali paraqet mundësitë e lagjes për kulturë, sport, aktivitete për të gjithë familjen, lidhje me natyrën, veprimtari edukative. Ngjarja është një nismë e..
Këtë javë pritet që presidentja e Komisionit Evropian, Ursula von der Leyen , të prezantojë zyrtarisht propozimin e saj për strukturën dhe përbërjen e..
Në edicionin e 31-të të Panairit Tradicional Vjeshtor që fillon sot në Parkun e Qytetit të Razgradit, prodhues nga i gjithë vendi do të prezantojnë..