Mezi ditën e fundit të garave për Kupën Botërore të Skive disiplina alpine në Bansko dielli i buzëqeshi elitës femërore të sporteve të bardha. Mjegulla e dendur nën majën Todorka vuri një pengesë para organizatorëve dhe sportisteve në tri startet. Drama me motin e keq filloi që ditën e premte, kur starti i sllallomit të parë gjigant shumë herë ishte shtyrë dhe në fund të fundit u vendos, që ai të organizohet ditën e hëne. Shpresat e publikut shumëmijësh t’i kënaqet garës midis prijëseve të klasifikimit të përkohshëm për Kubën Botërore Tina Maze nga Sllovenia dhe kampiones së dyfishtë botërore Anna Feninger nga Austria u dështuan. Edhe ditën e shtune mjegulla e trashë në pjesën e mesme të trasesë prapë u bë pengesë për vazhdimin e rrëshqitjes. Vetëm 13 skiatore, nga më se 50 sportiste gjithsej, arritën të kalojnë trasenë e përgatitur tepër mirë. Me arsye të garantojë sigurinë e garës Federata Ndërkombëtare e Skive vendosi të ndërpre garën dhe pak më vonë ta shtyjë. Ditën e diele, më 1 mars, moti ishte pak më i mirë dhe megjithëqë disa herë gara u shty starti i vetëm i kombinimit alpin për këtë stinë nga sllallomi super gjigant dhe sllallomi u zhvillua. Për habi të të gjithëve fitoren e korri skiatorja Anna Feninger nga Austria, e cila u imponua mbi favoriten Rina Maze nga Sllovenia. Kështu austriakja arriti të shkurtojë distancën në klasifikimin e përgjithshëm për Kupën Botërore. Intriga u transferua ditën e hëne, kur u zhvillua sllallomi super gjigant i shtyrë nga e premtja. Mirëpo, prapë më e shpejtë ishte Feninger, e cila shtoi shanset për marrjen e kupës. E dyta mbeti Tina Maze, e ndjekur nga amerikania Lindzi Von. Pikërisht Von, skiatorja më e mirë në botë me 64 fitore gjithsej në startet për Kupën Botërore, drejtoi akuzat më të ashpra për pistën në Bansko. “Kjo është një shaka. Dëbora është tepër e rrezikshme për rrëshqitje të skive” citoi Agjencia “Rojters” amerikanen. Megjithatë me siguri të kënaqur mbetën fituesja e dyfishtë Feninger dhe publiku shumëmijësh, i cili pavarësisht nga moti i keq, herën e radhës u kënaq me garat e vargut më të rëndësishëm të skive alpine.
Përgatiti në shqip: Svetllana Dimitrova
FAI 2024 po mbahet me mbështetjen e Bashkisë së Varnës në datat 20 dhe 21 korrik në zonën pranë fushave të lojës të parkut l pranë Asparuhovës. Ndër pjesëmarrësit janë pilotë drone nga Bullgaria, Rumania, Serbia, Turqia, Letonia, Polonia, Italia,..
Më 21 korrik hapet në Lisbonë Kampionati Evropian për Persona të Transplantuar dhe Dializuar. Deri më 28 korrik, përfaqësues nga 28 vende do të festojnë fitoren e jetës mbi vdekjen, sepse një "po" mund të shpëtojë deri në tetë jetë njerëzish...
Kreu i shtetit Rumen Radev dekoroi Kombëtaren Bullgare të Volejbollit për femra nën 18 vjeç me Pllakë Nderi të Presidentit. Çmimi është për meritat e shquara në zhvillimin e sportit bullgar dhe fitimin e vendit të parë në Kampionatin Evropian të..