Një e pesta e popullsisë bullgare është në rrezik varfërie. Çdo i dhjeti bullgar është rrezikuar me varfëri të skajshme. Këtë e tregon raporti i Institutit të Ekonomisë së Tregut. Një fakt tjetër shqetësues është se mbi grupin më të cenueshëm të shoqërisë, pra mbi të papunët nuk ndikojnë ndryshimet ekonomike. Çdo i dyti i papunë gjendet para rrezikut të varfërisë. Pjesë të madhe përbëjnë dhe po ashtu pensionistët të cilët janë në pragun e mbijetesës.
Analizatorët kanë konstatuar dallime të mëdha midis burrave dhe grave në këtë grup. Rreziqet për gratë janë më të mëdha dhe problemi me kalimin e moshës thellohet. Shkaqet kanë të bëjnë me gjatësinë e ndryshme të jetës, dhe me sistemin e pensioneve në përgjithësi. 335 mijë fëmijë nën moshën 18 vjeçare e kanë problemin e mbijetesës. Një pjesë prej tyre jetojnë vetëm me njërin nga prindërit ose në familje me shumë fëmijë, më së shpeshti nga minoritetet. Dy e treta e familjeve me 3 apo më shumë fëmijë janë në rrezik varfërie, ndërsa gjysma jeton në varfëri të skajshme. Nivelet e varfërisë dallohen sipas rajoneve të vendit. P.sh., nëse në Sofje kemi 7 për qind varfëri, atëherë në qytetet Vidin, Sliven dhe Pazarxhik flasim për 40 për qind. I ndryshëm është po ashtu profili i varfërisë, i cili provokon faktorë si punësim, arsim dhe grupe të minoriteteve. Ekspertët janë kategorikë se nuk mund të ndiqet politikë e centralizuar për përballimin e varfërisë, pasi ndryshojnë problemet dhe faktorët. Për sa i përket grupit të të papunëve, masat duhet t’u drejtohen arsimit dhe punësimit të tyre, komentojnë ekspertët.
“Theksi duhet të vihet mbi reduktimin e njerëzve me arsim tetëvjeçar – mendon z. Petër Ginev nga Instituti i Ekonomisë së Tregut. – Të dhënat qartësisht tregojnë se ky grup nuk arrin të realizohet në tregun e punës dhe përkatësisht bie në varfëri. Me rëndësi është që aftësitë që fitohen në shkollë të përdoren në tregun e punës. Përveç kësaj politika duhet t’i orientohet hapjes së vendeve të reja të punës. Po t’i shumëzojmë pagat me dy, kjo do të zgjidhë në shkallë të madhe problemin me të punësuarit të varfër. Por mbi grupin e varfërisë së skajshme dhe të të papunëve nuk do të ketë ndikim. Është mirë të flasim jo vetëm për politikën e të ardhurave, por dhe për politikën e punësimit.”
Z. Javor Aleksiev nga Instituti i Ekonomisë së Tregut komenton se rritja e ndihmave sociale gjatë vitit 2009 nuk e ka stimuluar procesin e kërkimit të punës, përkundrazi.
“Po t’i krahasojmë dy burimet e të ardhurave, del se falë ushtrimit të punës merret 18 për qind më shumë para se në vend të marrësh ndihma sociale, sqaron ekonomisti Aleksiev. – Në Bullgari kjo dukuri çon në reduktimin e shprehive të punës te njeriu, sidomos sot kur kërkesat e punëdhënësve ndryshojnë herë pas here.”
Përgatiti në shqip: Anna Kapitanova
“48 orë Varusha-jug” mbahet në periudhën nga 16 deri më 18 gusht në qytetin Veliko Tërnovo. Festivali paraqet mundësitë e lagjes për kulturë, sport, aktivitete për të gjithë familjen, lidhje me natyrën, veprimtari edukative. Ngjarja është një nismë e..
Nxënësit e tri shkollave bullgare në Itali krijuan atlasin e parë të këtij lloji për vëllezërit e shenjtë Kirill dhe Metodij . Projekti realizohet në kuadër të Programit Kombëtar "Histori të patreguara të bullgarëve" të Ministrisë së Arsimit,..
Një rindërtim i një kampi luftarak romak po organizohet në komunën Aprillci nga 16 deri më 18 gusht. Veprimtaria në parkun e lagjes "Novo Sello" iu drejtohet kryesisht fëmijëve dhe audiencës familjare.Në majën Ostrec të malit Stara Pllanina, që..
Këtë javë pritet që presidentja e Komisionit Evropian, Ursula von der Leyen , të prezantojë zyrtarisht propozimin e saj për strukturën dhe përbërjen e..
Në edicionin e 31-të të Panairit Tradicional Vjeshtor që fillon sot në Parkun e Qytetit të Razgradit, prodhues nga i gjithë vendi do të prezantojnë..
Radioja Kombëtare Bullgare (BNR) dhe Akademia Bullgare e Shkencave nënshkruan një Memorandum mbi bazën e të cilit do të bashkëpunojnë dhe do të..