Ramona Tullumani – sopranoja mjaft e njohur nga Teatri i Operës dhe Baletit i Tiranës po ndodhet në Sofje për premierën e operës “Xhani Skiki” të Puçinit. Ajo është fare e re – ka lindur në vitin 1985 në një familje të lidhur ngushtë me Bullgarinë. Gjysha e saj Nikoleta Lilova është bullgare. Gjyshi është baritoni legjendar Ramiz Kovaçi, i cili e ka mbaruar Konservatorin bullgar në klasën e profesorit Brëmbarov dhe karriera e tij ka filluar pikërisht në skenën e Teatrit Operistik të Sofjes. Stërgjyshi nga ana bullgare gjithashtu ka lidhje me Teatrin Operistik, sepse ka qenë drejtuesi teknik i ndërtimit të godinës së tij.