Bullgaria është një nga destinacionet e mundshme për ridrejtimin e turistëve pas sulmeve të përgjakshme në Tunizi, të cilët shkaktonin shumë anulime të rezervimeve. Pushimet në Tunizi dhe në Bullgari mund të krahasohen nga pikëpamja e çmimeve, mirëpo ridrejtimi i turistëve në praktikë nuk mund të bëhet lehtësisht sepse sezoni turistik tashmë është në kulmin e vet, komenton Kalin Draganov nga Asociacioni i Turoperatorëve Bullgarë dhe i Agjencive Turistike.
“Pas anulimit të rezervimeve në Tunizi pritet se do të gjejmë më shumë klientë për fluturimet çarter. Mirëpo turoperatorët perëndimorë tashmë kanë plotësuar vendet e tyre për këtë stinë, kështu që nuk mund të presim ndonjë ridrejtim të konsiderueshëm të turistëve nga Tunizia drejt Bullgarisë.”
Shkaku për këtë është organizimi i rezervimeve dhe shitja me shumicë në tregun turistik, për të cilët ka nevojë për planifikim dhe pagim paraprak të akomodimit:
“Akomodimet dhe programet për fluturime çarter janë planifikuar akoma vitin e kaluar, sqaroi zoti Draganov. Korrigjimet bëhen nga turoperatorët e mëdhenj evropianë, të cilët kanë qenë në treg gjatë janarit të këtij viti. Aktualisht askush nuk do të ridrejtojë avionë nga Gjermania apo nga Holanda drejt Bullgarisë për arsyen se janë anuluar fluturimet për në Tunizi.”
Turoperatorët nuk janë optimistë në lidhje me stinën verore turistike, kulmi i së cilës sapo fillon. Sipas të dhënave të Institutit Statistikor Kombëtar për vitin e kaluar Bullgarinë e kanë zgjedhur 4.5 mln turistë. Më shumë ishin ata nga Gjermania, Rumania dhe Greqia.
“Për këtë vit shënojmë një rritje të vogël të turistëve anglezë dhe gjermanë, komentoi Kalin Draganov. Në të njëjtën kohë duhet thënë se në tregun holandez kemi një pakësim. Ulje ka edhe në tregun rus sepse shumë nga agjencitë turistike që ofronin turizëm në Bullgari falimentuan. Përveç kësaj turistët rusë preferojnë të organizojnë pushimet vetë, pa ndërmjetësinë e firmave. Nga ana tjetër tani nëpunësit shtetërorë rusë kanë kufizime për udhëtime në shtetet e BE-së. Pakësimi i turistëve rusë është i dukshëm dhe nuk mund të mohohet, por 300 mijë rusë kanë pronë të patundshme në Bullgari dhe me siguri do të vijnë.”
Sipas klasifikimit të Evrostatit rusët, të cilët vijnë në Bullgari për të përdorur banesat e tyre private nuk llogariten si turistë. Turoperatorët pohojnë se gjatë qershorit rreth 30 avionë për ditë kanë zbritur në aeroportin e qytetit Burgas, në rajonin e të cilit ka më shumë banesa që janë pronë të shtetasve rusë.
Përgatiti në shqip: Jordanka Ivanova
Mijëra njerëz do të mblidhen sot në burim në zonën malore të Dambalësë mbi Momçillgrad . Të gjithë besojnë se gjatë kësaj nate uji që buron nga shkëmbinjtë bëhet shërues dhe shëron sëmundje të ndryshme. Mrekullia ndodh pikërisht me fillimin e 6..
Tridhjetë kishëzat e Momçillovcit janë ndër atraksionet turistike më të vizituara në fshatin në malin e Rodopeve gjatë festave të Pashkëve. Brenda apo jashtë vendit? Rreth 1 milion bullgarë do të udhëtojnë gjatë pushimeve..
Turne pa pagesë më këmbë “Ruse Summer Tour” në anglisht, për mysafirët bullgarë dhe të huaj të qytetit, fillojnë të shtunën, më 4 maj në qytetin danjubian Ruse. Itinerari i tyre përfshin ndërtesat dhe vendet më emblematike në pjesët qendrore të Ruses...
Ofertat e pronave për pushime në Bullgari janë rritur me 30-40% në tre vitet e fundit. Aktualisht numri i tyre i kalon 20 mijë. Gjithnjë e më shumë..