"Përparësitë me siguri janë më shumë, se sa të metat”. Me ato fjalë kancelaria gjermane Angella Merkell komentoi marrëveshjen e arritur me Greqinë pas bisedimeve 17-orëshe në Bruksel. Në se do të arrihet deri te pako e tretë shpëtuese për Greqinë, gjatë 3 viteve të ardhshme qeveria e zotit Aleksis Cipras do të disponojë përafërsisht 86 miliard euro. Sipas kancelares Merkell 25 miliardë euro do të jenë të domosdoshme vetëm për rekapitalizmin e bankave greke.
Vitin e pestë me radhë kriza е borxhit në Greqinë fqinje është në qendrën e vëmendjes së mediave gjermane. Dhe kjo është një gjë e logjikshme, pasi Republika Federale është forca kryesore ekonomike në Evropë, me më se 85 miliard euro ajo është edhe kreditorja më bujare të Greqisë në kuadrin e BE-së. Mirëpo, politikanët, ekspertët dhe mediat gjermane nuk e trajtojnë krizën greke të borxheve vetëm përmes prizmit financiar dhe ekonomik, por edhe si një test për vlerat e afirmuara në BE-në, sidomos për solidaritetin evropian. Para se të arrihet marrëveshja në orët e hershme ditën e hëne kryetari i Parlamentit Evropian, socialdemokrati gjerman Martin Shulc tha, se nga bisedimet në Bruksel varet e ardhmja e BE-së: “Grexit do të thotë fundin e Evropës së bashkuar”.
Liderët e 19 shteteve të zonës evropiane në fund të fundit nuk lejuan daljen e Greqisë nga valuta e përbashkët. Dhe kjo tani për tani, pasi marrëveshja shtron disa kushte të detyrueshme dhe njeri prej tyre ka të bëjë me votimin e tekstit në Bundestagun Gjerman. “Kjo pritet të ndodhë ditën e premte” – tha kryetari i parlamentit Norbert Lamert nga Bashkimi i Krishter Demokratik në pushtet. Ai theksoi, se para kësaj “Athina duhet të bëjë detyrat e saj shtëpiake.” Kryetari i Partisë Social Demokratike dhe ministër i ekonomisë në qeverinë e zonjës Merkell, Zigmar Gabriell, pret, që Bundestagu dhe parlamentet e tjerë të zonës evropiane të përkrahin marrëveshjen me Greqinë.
Është e dukshme, që koalicioni i gjerë, që është në pushtet në Gjermani, konsideron, se mund të plotësohen detyrat e shtruara para Athinës. Mirëpo, ata e vënë theksin edhe mbi pasojat morale për BE-në. “Greqia duhet të rikthejë besimin” – komentoi ministri gjerman i punëve të jashtme Frank-Vallter Shtajnmajer, i cili e caktoi marrëveshjen si “shprehja e aftësisë historike të evropianëve, të arrijnë kompromise”. Megjithë sinkronin në deklaratat e partnerëve të koalicionit në Berlin, kritikat ndaj ministrit “të hekurt” financiar Vollfgang Shojble nuk pushojnë. Zëvendës kryetari i Partisë Socialdemokrate Rallf Shtegner akuzoi të krishterë demokratin Shojble, se gjatë javës së fundit bëri gabim duke iu shpresuar “Grexit”, edhe si një masë e përkohshme.
Mirëpo, opozita liberale në Gjermani nuk është tepër e kënaqur nga marrëveshjet e arritura në Bruksel gjatë natës së kaluar. “Marrëveshja vetëm do të forcojë fuqitë centrifugale në BE-në. Lëshuam mundësinë për ristartimin e zonës evropiane me më shumë impulse ekonomike për inkurajimin e konkurrencës. Në vend të kësaj ata, që e miratuan vendimin në Bruksel udhëhiqeshin nga shpresa” – komentoi kryetari i liberalëve të lirë Kristian Lidner.
Pasi marrëveshja për zgjidhjen e krizës së borxhit në Greqi u arrit, tani teksti i saj duhet të miratohet nga parlamentet kombëtare të vendeve të zonës evropiane. Koalicioni i gjerë i zonjës Angella Merkell i përbërë nga Bashkimi i Krishterë Demokratik dhe nga socialdemokratët e zotit Zigmar Gabriell tani për tani nuk ka për çfarë të frikësohet. Edhe kësaj here qeveria do të ketë përkrahjen e domosdoshme. Mirëpo, kritikët në Gjermani tashmë numërojnë votat e deputetëve nga koalicioni në pushtet, të cilët do të votojnë “kundër”. Megjithë edhe ngadalë, që nga fillimi i krizës në Greqi në vitin 2010 numri i tyre po rritet.
Përgatiti në shqip: Svetllana Dimitrova
Në fillim të konsultimeve politike për emërimin e ushtruesit të detyrës së kryeministrit dhe të qeverisë së re të përkohshme, kreu i shtetit tregoi se praktikisht ka nisur fushata zgjedhore. Sipas Rumen Radevit, Asambleja e 50-të Kombëtare nuk ka..
Në javët e fundit, qeveria e re në Maqedoninë e Veriut, e udhëhequr nga Hristijan Mickoski, çuditërisht kërkoi që të ndërpritet ndërtimi i linjës hekurudhore drejt Bullgarisë. Argumentet e palës maqedonase janë se projekti për ndërtimin e hekurudhës..
Serbia raporton rënie të emigrantëve dhe mbyll disa qendra të refugjatëve Komisionerja për Refugjatët dhe Migrimin e Serbisë, Natasha Stanisavlleviç, bëri të ditur se numri i emigrantëve në vend u ul me 80% dhe u vendos që përkohësisht të..
Turqia dëshiron të anëtarësohet në BRICS Turqia ka aplikuar për anëtarësim të plotë në BRICS dhe anëtarësimi i saj do të diskutohet në..