Kongresi i radhës Ndërkombëtar i Studimeve të Evropës Juglindore po zhvillohet në Sofje (31 gusht – 4 shtator 2015). Forumi është organizuar nga Instituti i Ballkanistikës me Qendër të Trakollogjisë pranë Akademisë Bullgare të Shkencave dhe është me moto: “Evropa Juglindore dhe integrimi evropian: aspektet politike, socio-ekonomike dhe kulturore” dhe është nën patronazhin e UNESKO-s. Ai mbledh në një vend elitën akademike botërore në fushën e studimeve të Evropës Juglindore. Pjesëmarrësit janë 250 dhe ata tregojnë rezultatet e veprimtarisë së tyre shkencore.
Shkenca shqiptare është prezantuar mjaft mirë nga studiuesit e dalluar shqiptarë dhe të huaj. Emrat janë shumë: prof. Naser Ferri nga Prishtina flet për integrimin e ilirëve në Perandorinë Romake, dr. Arsim Ejupi prezanton analizën e përbashkët të tij dhe të profesoreshës Lindita Rugova për shqiptarët dhe gjuhën shqipe në Luginën e Prehevës. Për punën e vet në fushën e linguistikës flet Xhelal Ylli.
“Asimetritë e zhvillimit dhe ndikimi i tyre në zhvillimin demokratik të Shqipërisë” është titulli i kumtesës së profesorit Kosta Barjaba nga Tirana. Më e fortë është prania shqiptare në sesionin “Mediat dhe integrimi evropian i Evropës Juglindore” – atje studimet e tyre prezantojnë Lumnije Bajrami, Bardh Rugova dhe Rahman Paçarizi nga Prishtina dhe Alban Tartari nga Tirana. Nuk mund të përmendim të gjitha emrat e specialistëve të albanologjisë, të cilët po ndodhen në Sofje. Ju ofrojmë të dëgjoni fjalët e profesoreshes Ke Jing (Ke Xhing) nga Universiteti i studimeve të huaja i Beixhingut të Kinës dhe të profesorit Shaban Sinani nga Tirana:
"Një zjarr i shuar shpesh rindizet falë prushit që ka mbijetuar." Me këto fjalë të ngrohta profesori i filologjisë sllave Krasimir Stançev ngjall shpresë se interesi i pakësuar ndaj alfabetit bullgar, gjuhën bullgare dhe kulturën bullgare jashtë vendit..
Muzeu Letrar Kombëtar feston 174 vjetorin e lindjes së Ivan Vazov. Festimi shënon edhe përvjetorin e botimit të parë të pavarur bullgar të romanit "Nën zgjedhë", botuar në vitin 1894 nga shtëpia botuese "T. F. Çipev” – 130 vjet”, vëren Muzeu Letrar..
Forumi shkencor ndërkombëtar "Urat kulturore: histori të bullgarëve të rëndësishëm në Serbi" u mbajt në fund të qershorit në gjimnazin "Shën Kirill dhe Metodij" në Caribrod. Ngjarja u realizua me mbështetjen financiare të Ministrisë së Arsimit dhe..