Asnjeri nuk pritej që të kishte fanfarë ditën e premte, kur zyrtarisht startoi fushata paraelektorale për pushtet vendor. Deri tashti një fillim i tillë aq i mërzitshëm nuk ka pasur. Një nga shpjegimet mund të jetë bindja e disa politikanëve dhe pranimi i të tjerëve, se partia në pushtet GERB do të forcojë pozitat edhe më. Një arsyetim tjetër mund të jetë kujdesi i partive para të panjohurës, sepse për herë të parë krahas zgjedhjeve për kryetarë bashkie do të zhvillohet edhe një referendum. Në të bullgarët duhet t’i përgjigjen pyetjes së vetme – të aplikohet votimi elektronik apo jo.
Dhe kështu, në arenën e votës vendore do të dalin 71 parti dhe tri koalicione. Në fushatën sqaruese për referendumin startuan 24 parti politike, një koalicion dhe 8 komitete iniciatore me pozitën “po”, ndërsa 6 parti dhe 5 komitete iniciatore – me pozitën “jo”.
Shumica e analizatorëve nuk presin befasi. Sipas tyre partia GERB do të konsolidojë pozitat në pushtetin vendor, duke pushtuar edhe disa prej “bastioneve të kuqe” të Partisë Socialiste Bullgare, që kanë mbetur në vend.Përveç kësaj duket e parathënë fitorja e partisë GERB në kryeqytet, ku pritet, që kryetarja e tanishme e bashkisë Jordanka Fandëkova të fitojë që në raundin e parë. Fitorja elektorale në Sofja është tepër treguese. Dhe e gjithë kjo në sajë të liderit karizmatik Bojko Borisov, i cili arriti të stabilizojë partinë dhe shumicën parlamentare për shkak të mungesës së alternativës reale për qeverisjen e vendit dhe për shkak të opozitëstepër të ndarë. Atyre përparësive zoti Borisov do t’u shpresojë edhe tani.
Nga ana tjetër simpatizantët e Partisë Socialiste Bullgare, oponenti kryesor i partisë GERB, rrallohen gjithnjë e më shumë, megjithëqë udhëheqja e partisë së të majtës demonstron qetësi dhe siguri për votën e ardhshme më 25 tetor. Dhe në se do të dalë, që sociologët bëjnë parashikime të drejta, do të bëhemi dëshmitarë të humbjes së radhës të Partisë Socialiste Bullgare. Atëherë është pothuajse e sigurt, se lideri i tanishëm i partisë Mihaill Mikov do të hiqet nga posti.
Përsa i përket lojtarit të tretë të madh në politikë, Lëvizjes për të Drejta dhe Liri, analizatorët lëkunden në parashikimet. Nga njëra anë formacioni politik vazhdon të ketë elektoratin e fortë, i cili garanton fitore në vendbanime të caktuara, por nga ana tjetër lideri Ljutvi Mestan nuk arriti të afirmohet si i tillë. Prandaj nuk do të jetë e çuditshme, që disa bashki, të cilat deri tashti tradicionalisht i përkisnin Lëvizjes për të Drejta dhe Liri, të kalojnë në duart e ndonjë partie tjetër.
Përsa i përket referendumit, që organizohet me iniciativë të presidentit Rosen Plevneliev, anketimet e opinionit shoqëror tregojnë njëindiferencë nga ana e elektoratit. Të vendoset apo jo votimi elektronik ishte vetëm një, dhe jo më e rëndësishmja, nga tri pyetjet e propozuara nga zoti Plevneliev. Mirëpo, deputetët hodhën poshtë dy pyetjet e tjera për referendumin, të cilat ishin me më shumë rëndësi. E pikërisht një pjesë prej deputetëve të zgjidhen në mënyrë mazhoritare dhe zgjedhjet dhe referendumet të bëhen të detyrueshme. Disa ekspertë edhe kanë frikë, se gërshetimi i zgjedhjeve me referendumin mund të ngatërrojë votuesit dhe të bëhet shkak për largimin nga votimi. Mirëpo, siç thuhet në zgjedhje, si në zgjedhje, në referendum si në referendum. Ndërsa tabloja pas votës vendore më 25 tetor do të paracaktojë në shkallë të madhe rezultatet e zgjedhjeve të ardhshme parlamentare.
Përgatiti në shqip: Svetllana Dimitrova
Bullgaria u përball me një tjetër problem në kërkimin e një rrugëdaljeje nga kriza politike që u bë konstante, pasi presidenti Rumen Radev refuzoi të miratojë një nga emrat e ministrave të propozuar nga kandidatja për kryeministre të përkohshme,..
Presidenti Rumen Radev nuk pranoi që Kalin Stojanov të mbetet ministër i punëve të brendshme dhe refuzoi të nënshkruajë një dekret për emërimin e qeverisë së përkohshme të kryesuar nga Gorica Grënçarova - Kozhareva. Kreu i shtetit i kërkoi..
Gjurmët e gishtave të të huajve që vijnë do të merren në Turqi Autoritetet turke planifikojnë të marrin gjurmë gishtash të të huajve që mbërrijnë në vend. Këtë e bëri të ditur ministri i brendshëm, Ali Jerlikaja për gazetën proqeveritare..