Të mërkurën Parlamenti pranoi buxhetin për vitin 2016. Në parim kjo është një nga ngjarjet më të rëndësishme gjatë vitit. Për shkak të interesit të madh mediatik dhe në sajë të kësaj se shteti është punëdhënësi dhe investitori më i madh për ekonominë tonë, shumë njerëz i ndiqnin me vëmendje debatet e lidhura me buxhetin publik – kjo është e kuptueshme: prej tij varrën pagat e tyre, pensionet, asistencat sociale, bursat etj.
Sivjet bisedimet kaluan pa tronditje të konsiderueshme. Analizatorët janë të mendimit se buxheti i ri nuk ofron diçka të jashtëzakonshme apo dramatike për jetën sociale dhe ekonomike të bullgarit për vitin e ardhshëm. Ofron një shpejtësi komode buxhetore, pa valë dhe turbullira, në kushte relativisht të mira, kurse në një situatë të pasigurt. Pasiguria vjen nga ngjarjet ndërkombëtare, terrorizmi dhe konfrontimet e tjera, të cilat rrezikojnë jo vetëm Bullgarinë, por edhe tërë Evropën. Por kjo është një temë tjetër, pavarësisht se ka edhe pasqyrim buxhetor, sepse parat e parashikuara për siguri janë më shumë.
Më shumë para qeveritarët planifikojnë për projekte infrastrukturore dhe për shëndetësi. Japin pak më shumë për sferën sociale, për pensione dhe asistenca, parashikojnë më shumë edhe për administratën publike dhe... kaq. Kjo modesti dhe nikoqirllëk vëzhgohet edhe në lidhje me tatimet – ato nuk do të rriten dhe mbeten në nivelet e deritanishme. Të ardhurat buxhetore do të rriten paralelisht me rritjen e Produktit të Brendshëm Bruto, d.m.th. nën 2%, plusborxhet e huaja që mund ta arrijnë tavanin prej 2.7 mlrd euro. Sipas prognozave deficiti publik do të pakësohet deri më 2% prej Produktit të Brendshëm Bruto dhe do të jetë në përputhje me kërkesat e Brukselit. Në këtë politikë buxhetore konservatore si do të bëjmë reformat aq të shumëpritura në sferën e arsimit, në polici, në drejtësi, në shëndetësi – pyesin analizatorët. Jo gjithçka bëhet me para, nganjëherë është i mjaftueshëm vullneti politik – përgjigjen qeveritarët dhe kujtojnë se këto reforma e kanë qëllimin e kundërt – të pakësojnë shpenzimet që nuk janë të domosdoshme dhe të përmirësojnë efikasitetin e sistemeve të ndryshme sociale. Tingëllon mirë, por a do të bëhet kështu, do të kuptojmë në të ardhmen. Kemi arsye të dyshohemi sepse para pak kohe u bëmë dëshmitarë të një situate treguese – me policinë. Kur qeveritarët ndërmorën reforma për pakësimin e shpenzimeve për shpërblimet e shumta të policëve, ata dolën në rrugë për të protestuar dhe planet e qeverisë u dështuan.
Përgatiti në shqip: Jordanka Ivanova
Ministrat e financave të eurozonës diskutuan zbatimin e kërkesave për vënien në qarkullim të monedhës së përbashkët në Bullgari, njoftoi kryetari i Eurogrupit Paskall Donahju pas një takimi në Bruksel, transmeton BTA. Ai theksoi se, sipas BE-së,..
"Punonjës në administratë nuk janë fjalë të pista" – me një slogan të tillë në fillim të muajit prill, punonjësit e shtetit protestuan nën dritaret e qeverisë. Shkak kanë qenë pagat e ulta të punonjësve në administratën shtetërore krahasuar me pagën..
Norma e papunësisë në eurozonë në maj u stabilizua për të dytin muaj radhazi në një nivel rekord të ulët që nga viti 1998 prej 6.4%. Në Bullgari papunësia u ul në 4.4% në maj nga 4.5% në prill. Papunësia e të rinjve (për personat nën moshën 25 vjeç)..