Ministrja e Bujqësisë dhe Ushqimeve Desisllava Taneva dhe Drejtori i Zyrës Federale Zvicerane të Bujqësisë Bernard Leman inauguruan zyrtarisht Laboratorin kombëtar gjenetik për analizat ADN. Financimi i pajisjeve laboratorike është siguruar nga Programi Bullgaro-Zviceran për Bashkëpunim në kuadrin e projektit “Të lidhim mbrojtjen e natyrës me zhvillimin e qëndrueshme të rajoneve rurale”. Laboratori gjendet në Agjencinë Ekzekutive për seleksionimin e riprodhimin e blegtorisë në Sofje. Ai do të ndihmojë për caktimin e racave të tipave të caktuara të kafshëve në bazë të teknologjive moderne.
Ministër Taneva komentoi si do të përdoret laboratori i ri: “Do të mund të bëjmë programe të reja të zhvillimit të blegtorisë nëpërmjet asociacioneve të ndryshme për rritjen e racës së caktuar kafshësh në bazë të programeve më moderne. Kafshët që do të seleksionohen do të jenë me produktivitet më të lartë, sipas tipit të racës dhe sipas destinacionit të saj – a do të përdoret për prodhimin e qumështit, mishit etj. Bullgaria ka një larmi të madhe biologjike në këtë aspekt – kemi raca të vjetra autoktone, tipike bullgare të çdo lloj kafshësh, kryesisht të deleve. Gjatë viteve kemi seleksionuar 21 raca bullgare. Ky komplet pajisjesh i cili u inaugurua në Laboratorin kombëtar gjenetik për analizën ADN do të na ofrojë mundësinë të verifikojmë gjenet e secilës kafshë që rritet në Bullgari. Kjo është metoda më bashkëkohore, e cila përdoret në të gjitha shtetet e zhvilluara në drejtim të blegtorisë. Laboratori është në vlerë rreth 250 mijë euro pa TVSH dhe është pjesë i projektit “Për Ballkanin dhe njerëzit”. Laboratori do të na lejojë të bëjmë kontrollin më të mirë gjenetik të kafshëve dhe të sigurohemi, se ato janë pikërisht atë tip prej të cilit kemi nevojë.”
Blegtori Jane Nikollov Kullov ishte i pranishëm në hapjen e laboratorit të ri ku ofronte pjesë prej prodhimit të vet. Ai merret me rritjen e llojeve të rralla kafshësh – të deleve të racës karakaçanka, racës bullgare Murra (buallicë) etj. Prodhon kos dhe djathtë të bardhe deleje dhe buallice. Ja se çfarë tha ai:
“Laboratori është i dobishëm për të gjithë blegtorët në Bullgari. Mund të kontrollohet cilësia e kafshëve dhe pastërtia e racës. Nga herë ndodh që në bazë të dokumenteve raca është caktuar si e pastër, por në praktikë del se nuk është e tillë.”
Përgatiti në shqip: Sofia Popova
Në ditët më të nxehta të verës, anëtarët e Organizatës “Greenpeace” udhëtojnë në të gjithë vendin për të treguar se sa nxehtë është në mjedisin urban. Me ndihmën e kamerave termike zbulojnë temperaturën përreth ndërtesave, e cila në qytete si Plovdiv..
“48 orë Varusha-jug” mbahet në periudhën nga 16 deri më 18 gusht në qytetin Veliko Tërnovo. Festivali paraqet mundësitë e lagjes për kulturë, sport, aktivitete për të gjithë familjen, lidhje me natyrën, veprimtari edukative. Ngjarja është një nismë e..
Nxënësit e tri shkollave bullgare në Itali krijuan atlasin e parë të këtij lloji për vëllezërit e shenjtë Kirill dhe Metodij . Projekti realizohet në kuadër të Programit Kombëtar "Histori të patreguara të bullgarëve" të Ministrisë së Arsimit,..