Extreme Fest është festivali i vetëm për sporte ekstreme, i cili është duke u zhvilluar në Sofje. Sivjet fansat e sportit dhe ekstremiteteve patën mundësi t’i praktikojnë ushtrimet e tyre të dashura në kopshtin para Monumentit të Ushtrisë Sovjetike nga mëngjesi deri në mbrëmje të premten, të shtunën dhe të dielën. Extreme Fest grumbulloi profesionistë dhe fansa të sporteve ekstreme, të cilët jo vetëm vëzhgonin, por morën pjesë në demonstrime të specializuara dhe mësime. Aktiviteti u zhvillua me përkrahjen e Bashkisë së Kryeqytetit dhe është pjesë e iniciativave “Sofja – Kryeqytet Evropian i Sportit 2018” dhe “Java Evropiane e Sportit”.
Gjatë tërë kohës kopshti ishte plotë njerëz. Disa prej tyre bënin sport, disa të tjerë vëzhgonin me interes, ose bënin fotografi, kishte dhe të tillë, të cilët ushqeheshin, ose pinin kokteje, duke komentuar zhurmshëm ndonjë kërcim.
Sportet, të cilat u prezantuan, ishin: kërcim i lirë, jastëk ajri, ngjitje në mur, kërcime bungee nga një vinç, moto stunt, drift automobilistik, carting workshop, patinazh mbi rrota dhe skateboard, garë me biçikleta BMX, test ride me biçikleta, taekwondo, skermë, gjimnastikë, street dance, basketboll 3 x 3 dhe buble futboll.
Një prej atraksioneve ishte gara e kërcimit me biçikleta. Aleksandër Mlladenov është 26 vjeç. Ai na tregoi më shumë hollësi për veten dhe për pasionin e tij ndaj çiklizmit, që e praktikon tashmë më shumë se 12 vjet.
“Kam disa lloje biçikletash. Disa prej tyre janë për kërcim dhe stil të lirë, kurse të tjerat janë për downhill (zbritje me biçikletë, kryesisht në mal). Këta janë biçikletë të posaçëm, të cilat mund të kalojnë më lehtë në sipërfaqe të tilla, përmes gurëve, rrënjave dhe në pyll. Zakonisht e nget biçikletën time në Kopshtin e Borisit, ku ka një platformë të posaçme për kërcime, dhe në Parkun Jugor. Gjithmonë më ka pëlqyer motokrosi, por për fat të keq nuk pata mundësi financiare për ta praktikuar. Duhej ta zëvendësoja këtë pasion me diçka tjetër, përsëri mbi dy rrota. Fillova me zbritjen me biçikletë, pas kësaj e mësova dhe të ashtuquajturin “drift jump” (kërcim me biçikleta mbi duna rëre, ose mbi duna guri). Kërcejmë në malin Vitosha, por pajisjet mund të përdoren vetëm të shtunën dhe të dielën. Në Sofje ka kushte shumë të mira, por të gjithë, të cilët e pëlqejnë sportin dhe këtë lloj çiklizmi, përpiqen ta ruajnë sportin të gjallë. Ne japim gjithçka nga vetvetja, nganjëherë madje financa personale. Unë personalisht nuk mund të them se kam idhuj. Gjithmonë e kam ndarë përvojën time me miqtë e mi. Ne mësohemi njëri nga tjetri. Gara Extreme Fest më takoi me njerëz, të cilët nuk i kisha parë disa vite. Gëzohem se jam në shou dhe mund t’i shoh përsëri miqtë e vjetër. Gjithmonë jam përpjekur të jem atraktiv për publikun dhe jurinë. Çiklizmi është lëvizje dhe liri.”
Shumë të rinj të tjerë si Aleksandër, të entuziazmuar dhe të dashuruar me sportin, e bën të paharrueshëm Extreme Fest. Në fund të çdo një prej këtyre tri ditëve dekoroheshin më të mirët, kishte koncert dhe një “aftër party” për uljen e adrenalinës së grumbulluar gjatë ditës.
Përgatiti në shqip: Vesella Mançeva
Fotografi: Lluiza Llazarova, BTA, BGNES, BULFOTO
Viktor Nikollov përfundoi në vendin e dytë në klasifikimin e përgjithshëm të kampionatit botëror të kartingut Sodi W Finals në qytetin belg Genk dhe u bë bullgari i parë me një arritje kaq të lartë. Pas pesë raundesh, garuesi 15-vjeçar grumbulloi..
Data është 17 nëntor 1993. Është minuta e fundit e ndeshjes mes Bullgarisë dhe Francës në stadiumin Parc des Princes në Paris, e cila duhet të përcaktojë ekipin pjesëmarrës në Botërorin e vitit të ardhshëm në SHBA. Rezultati është 1:1 (ku në këtë mënyrë..
"Njeriut i duhet shumë pak për të krijuar kushte që ne të jemi bashkë" - këto janë fjalët e të riut Stanisllav Grozdanov dhe ato bëhen një forcë shtytëse për "zgjimin" e një fshati bullgar në mes të verës futbollistike në kontinentin e vjetër. Vetëm 68..
Tre bullgarë nisen për të marrë pjesë në Lojërat Paraolimpike në Paris 2024, të cilat do të fillojnë më 28 gusht dhe do të vazhdojnë deri më 8..