Tema kryesore në faqen e parë të gazetave qendrore është atentati i përgjakshëm në metronë në qendër të Shën Petersburg, në të cilin vdiqën të paktën 14 veta dhe ka dhjetëra të plagosur. Shtypi shënon se sulmi koincidon me vizitën e Presidentit Vladimir Putin në qytet dhe shton se tani për tani nuk ka të dhëna për bullgarë të dëmtuar, sipas informacionit të Ministrisë Bullgare të Punëve të Jashtme.
Në planin e politikës së brendshme të përditshmet bullgare shënojnë hapat e parë për formimin e qeverisë pas fitores në zgjedhjet parlamentare të partisë konservatore GERB me lider Bojko Borisov. “Kabineti do të jetë i gatshëm deri në fund të prillit” – ky është një prej titujve kryesorë në gazetën “Standard”. Kabineti tjetër i vendit tonë do të jetë i gatshëm jo më vonë nga fillimi i majit. Kryeministri i tij do të jetë lideri i GERB-it Bojko Borisov. Këtë e deklaroi kategorikisht ish Ministri i Financave Vlladisllav Goranov. Ai bën pjesë në ekipin e partisë, i cili merr pjesë në negociatat për formimin e qeverisë, saktëson “Standard”. Gazeta shton se prioritetet kryesore të kabinetit “Borisov 3” janë reforma në arsimin e mesëm, në administratë dhe në sistemin gjyqësor. Programi i qeverisë së re shkruhet sipas parashikimeve për një mandat të plotë 4 vjeçar, sepse sipas njerëzve të Borisovit “nuk ka shkak që ai të jetë më i shkurtër”, komenton e përditshmja. “GERB me një program për një qeveri të pakicës”, prognozon në një titull “Trud”. Gazeta citon sociologun Jurij Asllanov, sipas të cilit një prej skenarëve është që Bojko Borisov të përpiqet të formojë një qeveri të pakicës me përkrahjen parlamentare të politikave të sektorit. “Borisov ka përvojë në një qeveri të këtij lloji”, komenton Asllanov në faqet e gazetës “Trud”. Gazeta “Sega” publikon titullin “GERB u indinjua nga pretendimet e Patriotëve të Bashkuar”. Vlladisllav Goranov bëri të ditur se deklaratat e Valeri Simeonovit dhe Patriotëve të Bashkuar se dikush tjetër mund ta kryesojë qeverinë përveç liderit të GERB-it janë “naive dhe qesharake”. “Eksperimente të tilla, që propozohen janë më tepër provë për t’u rritur çmimi i partnerit më të vogël”. Sigurisht që ne nuk mund t’i ndalojmë Valeri Simeonovit për të pretenduar për gjithçka. Në qoftë se ai nuk dëshiron të marrë pjesë, kjo është e drejta e tij” – komentoi në mënyrë ironike z. Goranov, cituar nga “Sega”.
Përgatiti në shqip: Vesella Mançeva
Në luftën kundër zjarrit në malin Maleshevska, avionët francezë u zëvendësuan nga dy avionë suedezë, njoftoi BTA duke cituar Drejtorinë Kryesore "Siguria nga zjarri dhe mbrojtja e popullsisë". Situata vazhdon të jetë e vështirë dhe në terren janë..
Presidenti Rumen Radev u bëri thirrje përfaqësuesve të popullit që të rishqyrtojnë vendimin, me të cilin i jepen para Ministrisë së Punëve të Brendshme për mjete zjarrfikëse. Sipas Radev, alternativa më e mirë është që paratë të shkojnë në ushtri,..
Ministria e Bujqësisë dhe Ushqimit dhe Agjencia Bullgare e Sigurisë Ushqimore po vendosin masa të forta kundër hyrjes së murtajës së ripërtypësve të vegjël në Bullgari. Veprimet parandaluese janë për shkak të përkeqësimit të situatës epizootike në Rumani..
Pas kthimit të mandatit të tretë të paplotësuar për formimin e qeverisë nga grupi parlamentar i partisë “Ka një popull të tillë” (ITN), presidenti..
Për festën e vet kisha “Shpërfytyrimi i Zotit” në kompleksin turistik Borovec mirëpret Patriarkun bullgar Daniill dhe Mitropolitin e Sofjes për..
Gjatë natës do të mbizotërojë mot i kthjellët, kryesisht në veri të Bullgarisë me rritje të përkohshme të vranësisë. Era do të fryjë e dobët dhe do..