U shpall raporti i Komisionit Evropian Semstri Evropian 2017. Ditën tjetër u shpall edhe raporti i ri me rekomandime të Fondit Monetar Ndërkombëtar. Edhe në të dyja dokumentet u është kushtuar një vëmendje e posaçme problemeve ekonomike e sociale të Bullgarisë.
Semestri Evropian është mjaftë më kritik ndaj Bullgarisë, në vend të parë janë shënuar mungesat e bilancit makroekonomik, problemet lidhur me borxhet në sferën financiare dhe pabarazinë sociale. Praktikisht në dokument nuk ka asgjë të panjohur dhe të paparë nga autoritetet në Sofje dhe kjo është edhe një provë, se raporti po e vazhdon politikën e kritikave të ashpra kundër asaj që është bërë dhe asaj që nuk është bërë në Bullgari, dhe të qëndrimit abuziv ndaj sukseseve të arritura. Pra, tani për tani përdoret më shumë shkopi, sesa karota. Mirëpo, ekspertët dhe vëzhguesit në Bullgari mendojnë se kjo politikë e aplikuar tashmë dhjetë vjet sa i përket Bullgarisë, nuk i jep rezultatet e pritura dhe qëndrimi ndaj Bullgarisë duhet ndryshuar, duke u inkurajuar më guximshëm arritjet e vendit.
Raporti i dytë, i cili u publikua një ditë Pas Semestrit të KE-së, është analiza e FMN-së, në të cilën gjithashtu i kushtohet një vëmendje e madhe gjendjes ekonomike dhe sociale të Bullgarisë. Siç duket, në Uashington janë më afër qëndrimit pozitiv, sepse kritikat dhe shënimi i problemeve janë shoqëruar me vlerësime pozitive. Përveç kësaj bëhet përfundimi se sistemi financiar bullgar është i qëndrueshëm dhe i kapitalizuar mirë dhe nuk ka rreziqe për financat publike.
Është e vërtetë se borxhet mes firmave në Bullgari janë shumë dhe kjo fsheh shumë rreziqe lidhur me thellimin e problemeve në sferën financiare, është e vërtetë se kreditë e papaguara janë 17 për qind e shumës së të gjitha huave bankare për biznesin. Mirëpo, është e vërtetë gjithashtu se bankat vazhdojnë të fitojnë shumë dhe se janë në gjendje të ndeshen me disa sfida. Të paktën këtë e treguan të ashtuquajturat “stres-teste”, përmes të cilave kaluan institucionet e kreditit në vend vitin e kaluar. Le të mos flasim për financat publike, të cilat që nga fundi i vitit të kaluar grumbullojnë teprica buxhetore dhe tani autoritetet tashmë kanë mundësi të qetësohen dhe të jenë më bujarë ndaj shtresave të dobëta sociale. Dhe ato e bëjnë këtë. Tani për tani bujaria është mjaftë modeste, por tregon se pushtetarët në vend nuk i injorojnë problemet sociale dhe marrin në përputhje me mundësitë e veta masa për pakësimin e ndarjes së shtresave sociale në shumë të varfra dhe shumë të pasura.
Në Sofje do t’i pranonin më mirë kritikat e institucioneve ndërkombëtare, në qoftë se ato i merrnin parasysh edhe arritjet. Sepse kush e preferon shkopin para karotës? Të mos flasim se qëndrimet e ndryshme çojnë edhe te vlerësime të ndryshme dhe në fund të fundit shtrohet çështja: Kujt t’i besojmë?
Nga 1 janari 2025, paga minimale për Bullgarinë do të jetë 1077 leva /550.66 euro/në vend të 933 levave aktuale /477.04 euro/, sipas një projekt-dekreti qeveritar të publikuar për diskutim publik. Masa e re është në përputhje me Kodin e Punës dhe..
Një nga sektorët kryesorë për sa i përket rritjes së pagave dhe interesit nga punëkërkuesit në Bullgari është ai i teknologjive të larta. E ndërsa para pandemisë punësoheshin specialistë të çdo lloji pavarësisht trajnimit dhe kualifikimit të tyre..
Për gjysmën e parë të vitit 2024, paratë për kreditë e shpejta janë mbi 3 miliardë euro (6.017 miliardë leva), sipas Bankës Kombëtare Bullgare (BNB). Për krahasim, në fund të qershorit 2023, kreditë e shpejta të dhëna ishin 2.5 miliardë euro (4.926..
Nga 1 janari 2025, paga minimale për Bullgarinë do të jetë 1077 leva /550.66 euro/në vend të 933 levave aktuale /477.04 euro/, sipas një..