Komisioni për mbrojtje të konkurrencës ndaloi veprimtarinë e shoqërisë “Maxim Taxi”. Sipas Komisionit në fjalë shërbimi, i cili është i ngjashëm me atë të taksistëve, sigurohet pa u respektuar kërkesat për transportuesit dhe shoferët, si dhe për automobilat e përdorur. Nëpërmjet shërbimeve përmes aplikacioneve mobile “Taxsee driver” dhe “Maksim: porosi taksish” shkelet praktika e mirë tregtare dhe shoqëria merr përparësi jokorrekte, duke përfituar ekonomikisht dhe duke shkelur interesat e firmave të regjistruara që merren me transport me taksi. Gjatë sigurimit të këtij shërbimi është rrezikuar siguria e klientëve, shënoi Komisioni për mbrojtje të konkurrencës. Përveç ndalimit të veprimtarisë firma është gjobuar edhe me 8 për qind prej shumës për të ardhurat e saj të deklaruara vjetore.