Situata lidhur me ujërat e liqenit artificial afër Strazhica, të cilët dolën jashtë liqenit, tashmë është nën kontroll, bëri të ditur prefektja e Veliko Tërnovos prof. Ljubomira Popova. Ajo saktësoi se diga e liqenit artificial “Zelençukov Doll” afër Strazhicës është prishur, por ujërat e pellgut janë derdhur në arat fqinje, gjë që ka parandaluar dëmet më serioze. Nën kontroll lëshohen edhe ujërat e pellgut të afërt artificial “Çeshme Dere” afër fshatit Kamen, vëllimi i të cilit gjithashtu është rritur. Shkaku për situatën kritike është shiu i rrëmbyeshëm, i cili natën arriti 120 litra në një metër katror në rajonin në fjalë. Për shkak të shirave të pritur në rajonin e Strazhicës ende mbetet në fuqi gjendja e shpallur e fatkeqësisë.