Bisedimet trepalëshe për pakon “Mobilitet” mes Parlamentit Evropian, Këshillit Evropian dhe Komisionit Evropian përfunduan pa marrëveshje. Nuk ka pajtim mes tri institucioneve në BE mbi temat më të rëndësishme prej pakos legjislative, ndër të cilat është dhe kthimi i kamionit në vendin e regjistrimit të automjetit gjatë pushimeve mujore të shoferit. Ministri bullgar i Transportit Rosen Zheljazkov bëri të ditur se Bullgaria do të ngrejë për diskutim para Gjykatës së BE-së çështjen e pakos “Mobilitet”. Eurodeputetët bullgarë komentuan para Radios Kombëtare Bullgare se paqartësitë po mbeten. Mund të ketë bisedime të reja gjatë muajit dhjetor. Angell Xhambazki tha se mungesa e pajtimit është një lajm i mirë, sepse tekstet e votuara nga Parlamenti Evropian janë të dëmshme për ekonominë bullgare dhe për interesin bullgar.