Radioja Kombëtare Bullgare © 2020 Të gjitha të drejtat janë të rezervuara

Më se një e treta e familjeve bullgare qëndrojnë në të ftohtë dhe ndotin ambientin rrethues

Foto: BGNES

Bullgaria shtrihet në Evropën Juglindore ku supozohet se klima është më e butë, se ka më shumë ditë me diell dhe me ngrohtësi dhe se rrallë imponohet ngrohje suplementare të banesave dhe të dikastereve. E vërteta është, se vendi ynë shtrihet në Gadishullin Ballkanik dhe reliefi i tij është pak malor dhe shpesh kjo është një premisë për ftohtësira, reshje të shiut dhe të dëborës. Për këtë shkak klima në Bullgari caktohet si kontinentale me katër stina megjithë ngrohjen e përgjithshme të klimës në planetë.

Dimri këtu është i ftohtë, temperaturat shpesh ulen nën zeron, ka shira dhe reshje të dëborës. Ngrohja e banesave dhe zyrave të punës është e domosdoshme të zgjatet të paktën 4-5 muaj në vit.

Sipas statistikës së Evrostatit 33.7 për qind nga bullgarët gjatë vitit 2018 nuk arritën të ngrohin shtëpitë në mënyrë adekuate. Kjo është kuota më e lartë në mbarë BE-në, ku vetëm 7 për qind nga njerëzit kanë probleme të paguajnë ngrohjen. Është një fakt i gëzueshëm se gjatë 12 viteve të fundit numri i bullgarëve pa ngrohje ose me mungesë të ngrohjes po ulet në mënyrë të rëndësishme. Në vitin 2006 pothuajse 70 për qind nga familjet nuk ishin në gjendje të ngrohin shtëpinë mirë, ndërsa në vitin 2017 ata ishin 36.5 për qind.

Kjo ulje e përqindjes së njerëzve të cilët qëndrojnë në ftohtësi ndoshta iu detyrohet masave për ndihmë nga institucionet sociale. Bëhet fjalë për Agjencinë e Ndihmës Sociale, e cila u lëshon njerëzve  ndihma për ngrohje. Vitet e fundit numri i tyre po rritet dhe sivjet për këtë stinë të ngrohjes ndihma u siguruan 253 mijë familjeje. Nga Agjencia e Ndihmës Sociale evidentojnë se sivjet me 17 për qind u rrit numri i familjeve të cilave u lëshuan ndihma për ngrohje. Për pesë muajit e ngrohjes familjeve u sigurohen nga 240 euro. Me ato para ata blejnë dru për ngrohje, qymyrgur, briket. Por të gjitha ato lënda djegëse përmbajnë copëza të imta të pluhurit, të cilat ndotin ajrin. Kjo është në fuqi për qytetet më të vogla dhe për fshatrat bullgare, ku për ngrohje mund të shfrytëzohen vetëm lënda të ngurta ose rrymë elektrike, sepse aty ngrohja qendrore dhe gazi mungojnë. Ngrohja me rrymë elektrike është shumë e shtrenjtë , ndërsa bombolat me gaz kërkojnë ndërrim të përhershëm dhe montim të impianteve të shtrenjta.  Si rezultat gjatë dimrit vendbanimet e vogla bullgare kanë ajrin më të ndotur. Kjo ndotje është në kundërshtim të plotë me idetë dhe kërkesat e të ashtuquajturës “Marrëveshje të Gjelbër” të BE-së sipas së cilës deri në vitin 2050 emetimet neto të karbonit të ulen deri në zero. Kryeministri Bojko Borisov u përpoq të qetësojë bullgarët duke deklaruar, se “Një sukses është se Paktin i Gjelbër për Neutralitetin e Karbonit supozon emisione zero deri në vitin 2050 dhe se çdo një shtet përcakton vetë miksin e vet energjetik”. Ai theksoi se është e domosdoshme të sigurohet koha e nevojshme kështu që proceset të zhvillohen ashtu që të mos jenë në dëme të miksit energjetik, të minatorëve dhe të punësuarve të tjerë në sektorin e energjetikës.

Mirëpo, shumë vëzhgues, analizues dhe ekspertë janë të mendimit, se kjo do të jetë një problem i madh për Bullgarinë dhe kundërshtarët e këtij pakti në vend tashmë shprehin pakënaqësinë e tyre. Udhëheqja e njërës prej sindikatave më të mëdha në Bullgari – Konfederatës së Sindikatave të Pavarura, deklaroi haptazi se Bullgaria do të jetë vendi anëtar i BE-së me humbje më të mëdha nga “Marrëveshja e Gjelbër”, duke marrë parasysh mbylljen e minierave të qymyrgurit në kompleksin Marica Lindje dhe tri centralet elektrike që punojnë me qymyrin linjit e këtyre minierave. Si rezultat do të mbeten dhjetëra mijë bullgarë pa punë. Në se do të shtojmë edhe mjetet e domosdoshme për familjet bullgare të blejnë ngrohës të shtrenjtë, problemi përfiton përmasa kërcënuese dhe zgjidhja e tij do të vihet në dyshim.

Përgatiti në shqip: Svetllana Dimitrova


Më shumë nga rubrika

Para dhe shëndetësi

Sot shëndetësia e mire kushton shumë para. Dhe prandaj jo të gjithë njerëzit mund t’i ndjekin këshillat për një mënyrë jetese të shëndetshme, pavarësisht se sipas 68% prej bullgarëve gjëja më e rëndësishme është shëndeti. Këtë e tregon anketa e..

botuar më 20-01-07 11.55.PD
Më shqetësuese është situata në Pernik, ku liqeni “Studena” që shërben për furnizimin e ujit të pijshëm është bosh.

Uji në Bullgari pakësohet dhe bëhet më i shtrenjtë

Problemet e lidhura me furnizimin e ujit në Bullgari bëhen gjithnjë e më të shumta dhe më serioze. Popullsia e vendit tonë është 7 miliona dhe 315 mijë prej shtetasve bullgarë janë prekur nga ndërprerjet e furnizimeve të ujit. Furnizime me orare ka..

botuar më 20-01-02 3.08.MD

2019-ta – viti me rritje të radhës të investimeve të drejtpërdrejta të huaja në Bullgari

Tendenca e rritjes së investimeve të drejtpërdrejta të huaja në Bullgari po vazhdon dhe gjatë vitit 2019. Sipas të dhënave të Bankës Popullore Bullgare për periudhën janar-tetor ato janë afro 953.3 milionë euro dhe tejkalojnë me 554 milionë ato nga e..

botuar më 19-12-28 10.10.PD