Presidenti Rumen Radev dhe Ministri i Mbrojtjes Krasimir Karakaçanov ishin të pranishëm në hapjen e Shkollës së rimëkëmbur Ushtarako-Ajrore “Georgi Benkovski” në Dollna Mitropolija (Bullgari Veriore). Ky është një akt moral për rimëkëmbjen e shpirtit dhe dinjitetit të aviacionit bullgar, një veprim i domosdoshëm si shenjë respekti ndaj aviacionit tonë shekullor dhe brezave të pedagogëve, pilotëve dhe specialistëve, të mësuesve tanë, tha Presidenti Radev, i cili e ka mbaruar pikërisht këtë shkollë. Sot ndreqim një padrejtësi, tha Ministri Karakaçanov, duke e caktuar si dritëshkurtër vendimin nga viti 2002, me të cilin shkolla u shndërrua në një fakultet ushtarak. Përveç specialiteteve ushtarake dhe civile pranë shkollës do të rimëkëmbet dhe kolegji i rreshterëve.