U publikua për shqyrtim një projektligj për krijimin e Agjencisë Kombëtare për Lojërat e Fatit, e cila do ta zëvendësojë Komisionin Shtetëror për Lojërat e Fatit. Ndryshimi është në sinkron me praktikat evropiane, thuhet në motivet e parashtruara nga Ministria e Financave. Qëllimi është unifikimi i politikës fiskale dhe të licencës për të gjithë pjesëmarrësit në biznes. Kryeministri Bojko Borisov tha se nuk ka lidhje midis financimit të klubit të futbollit “Levski” dhe raportit të inspektimit financiar shtetëror, sipas të cilit mbi 100 mln euro nuk janë derdhur në thesar për shkak të trajtimit të ndryshëm të operatorëve të lotarive. Borisovi i quajti “absolutisht të rreme” pohimet për shtetëzimin e lotarive private dhe bëri thirrje që ato të paguajnë taksat përkatëse të licencës.