Ekspozita “Arti dhe kulturat në Bullgari në periudhën e shekujve XVI – XVIII” e cila duhej të rregullohej në Luvër gjatë verës anulohet. Këtë e tha ministri i kulturës Boill Banov. Vendimi u miratua pas refuzimit të Kishës Ortodokse Bullgare të prezantojë artefakte të veta. Ministria dhe Akademia Bullgare e Shkencave i propozojnë Luvrit një ekspozitë të re me temë “Parahistoria – lindja dhe zhvillimi i qytetërimit të parë evropian” ose “Mesjeta e vonshme – vrull i Mbretërisë së Dytë Bullgare 1185 – 1396”. Ekspozita përgatitet që prej kohe dhe organizatorja franceze Charlotte Mory kishte takime në vitin 2019 në institucione të ndryshme bullgare. Mirëpo, Akademia Bullgare e Shkencave reagoi kundër dëshirës së Luvrit të prezantojë ekspozitën bullgare në departamentin e artit islamik.