Është simbolike kjo se kemi vetëm një minutë në tërë vitin kur mbajmë heshtje në nderim të Hristo Botevit dhe të të vdekurve për çlirimin e Bullgarisë – tha Presidenti Rumen Radev para monumentit të Hristo Botevit në vendlindjen e heroit kombëtar bullgar, Kallofer. Një minutë pa fjalë, në të cilën më qartë mund të kuptojmë vlerën dhe forcën e tyre. Dhe kush, në se jo Botevi, e dinte çmimin e fjalëve. Fjalët e tij jehonin mbi një epokë të tërë dhe sot vazhdojnë të tingëllojnë në mënyrë frymëzuese. Flamuri i lirisë bullgare është në duart e brezave të reja. Vullneti ynë do të diktojë veprimet tona – a do ta mbajmë lartë, apo do ta harrojmë në muze, tha kreu i shtetit.